من يومك عفت شبيك مابيك
مكشوف الحبيبك لاتظن غامض
اساليبك قديمه وتتعب وياي
ماهمني امتحانك للدرس حافظ
لايغرك حبيبي خصرك الجذاب
ولاطولك ولا سحر اللواحظ
شما يعله العنب صدك اديه تلوح
ماهاوي عرفته من العرك حامض
ماذبلك شبج ولاعاند الروج
ادريبك تجيني جه كلت رافض
ماتكدر تعاند سلطة العشاك
وشحدك تعوفه وتصبح معارض
رغم كل الوكاحه البيك يفلان
لابد ماترد ناوي التفاوض
تاركلك حبيبي الباب مفتوح
وهواي التودني ربك الحافظ
لان كبلك شفت وهوايحبيت
وعلمني الهوى ما اسد بابي
علمني اهيمن وسط الاشواك
وكل موعد عشك سويته محرابي
علمني افرزن نظرة العين
واختار بمزاجي وكلشي بحسابي
لان طبعي اظل للموت محتام
بالبسكوت الجم شفة اصوابي
اقنع بالاسباببيوم اذا غاب
كبلها تلوم بيه وتاكل اسبابي
واخليه بعتابه ياذي الجروح
وللدلال ياذيه اترك عتابي
تظل طوعه وتذوب الروح وياه
تاذيها يأوف بشفة احبابي
ماحمله ذنب وادريه كله ذنوب
ياذنب اليعجبه ايحمله بجتافي
أنه مبلل مايفيد المطر وياي
اتحد المطر وطلعله حافي
واخليه بدلاله زغير البيت
يلعب عل الكلب كل حيله تعافي
اصد عنه الشماته وحجي النمام
اخبطها وخليه يشرب الصافي
اكله شما تصد معذور يفلان
مامله وسمعه بيوم كافي
رغم مو كلش حلو بس انه خليه
يداوي بنظرة عيونه ويشافي
مسموح الزعل والعتب واللوم
مامسموح ارجوك التجافي
بعد هذا الوصف وزود اذا تريد
اودها تغزر وياك القوافي
اخنك شوغتي بجفوف الدموع
وحبسهالحد الموت شوغاتي
وسد حلك الجرح بدم المعانات
واكلبها فرح يمك معاناتي
اوصف للمحب كيف الغرام يكون
كل اهل الغرام مجربع وصفاتي
كل قصة غرام اخدمها ممنون
يظل طبعي لحد ماتدنه ساعاتي
المطلوب مني وياك اسويه
مو لجلك لان السبب في ذاتي
ماتحتاج اساليب الدلع وياي
انه طبعي ادلل كل حبيباتي
اكتبلك شعر بيه شوغة السياب
من لوعة مظفر وحزن بياتي
اخليك بكباره وعالي الشان
باستعداد اقدملك تحياتي
كلهاتكول اغاتي من اشيل الايد
وانت بغير شيلت ايد اغاتي

****************************
واخيرا تحياتي



توفيـــــــــــــــــق

تنويه.........للاعضاء الذين يمرون على هذه القصيده في الحقيقه ارسلتها الى منتدى الشعر الشعبي ولكن كيف ظهرت هنا لااعلم ولكن الخطا اكيد مني ......اعتذاري الشديد واوعدكم بانها لا تتكرر ............................ احترامي

المخطأ........ توفيــــــــــــــــــــــــــــــــــــــــــــــ ـــــــــــق

عمي توفيق قصيده رائعه وصور اروع وسبحان الذي لا يخطا تحياتي الك

هذا من ذوقك اشكرك على المرور الجميل وهاي صار فتره غايب عليه انشاالله المانع خير .............تسلملي ياورده


توفيـــــــــــــــــــــــــــــق

ما اروعك وما اجمل قلمك الذي يعزف احلى المقطوعات الموسيقة الرائعة التي تطرب المتلقي
ابدعت كالعادة واجدت حياكة الكلمات لتظهر لنا باحلى حلة والتي لم يستطع احد غيرك ان يجيدها بهذه الدقة والجمال ( تبريز )

اخي المحترم توفيق ــــــــ الف شكر لكل مايقدمه قلمك لنا من روعة وجمال ــــــ شمعة تظئ المنتدى واتمنى لها الاستمرار

تقبل تحياتي وخالص ودي وتقديري

حيرتني بالرد عليك لكن مرورك يجعل من كلماتي تتناثر طربا وعزفي بدون عزفك يخرج عن اللحن
هذه اول قصيدة غزل في حياتي ولم اقرئها لاحد لكن شائت الصدف ان انشرها من خلالكم ...لقد
نذرت قلمي بالدرجة الاولى للوطن وللحسين................طيبني مرورك ياقائد الاوكسترا

فاتني ان اشكرك على نقل الموضوع



توفيــــــــــــــــــــــــــــــــــــــــــــــ ــــــــــــــــــــــــــــــق