غيب اشماغبت عني تعدلي
وابعد بلجي دنياتي تعدلي
رحت وكلت يمعذب تعدلي

اعدلك وانته الك دنيه وساعه
وعفيه الكلب هاكبره وساعه
ساعه ابونتي الك اكضي وساعه

ابحث عن ذنب مني وعيله
ولامامش لان وكتي وعيله
اداري ابعمري اليوافي وعيله

اداري ابعمري اليوافي وعينه
وآنه الشمس لاصحابي وعينه
رحت وظلمت كلبي وعينه

رحت وكلت عدولي وعدلك
اعوج ماردت تعدل وعدلك
خنت الماخلف مره وعدلك

وعدك جالسراب ابعين لامع
ثلجه ومن ذكرته اتكول لامع
معاي اسال ترد ابغيض لامع

عدوي وشابك اذراعك ذراعه
وبمخي صفت تاكل ذراعه
تعودوعود الك حجه ذريعه

ذريعه الغيبتك تلكه والف حال
طبعك بي الف صورة والف حال
انه ابظني الف شدد والف حال

الف حل ابعشرتك ماتحلك
ولزكه الزكت بذنوبك ماتحلك
جبح ومرآيتي سوده ماتحلك

سوده امرايتي تفضح وعودك
وبكاع الذنب نابت وعودك
كلي اشحصلت منك واعودك

اعودك ضيم لكليبي وردلك
واحفظلك عذر مني وردلك
خايب جم خبرعني وردلك

وردلك جم خبرعني ولاهم
يكابوس العله اطيوفي ولاهم
تراك الناس لاغم ولاهم

تراك الناس بعيوني شردن
وكلي اجدامك الراحن شردن
عيوني ابدربك اشراده شردن

صحت يانلس ردو العين اليه

الله الله الله عليك يبو حسين
احسنت وصح لسانك عزيزي
زنجيل روعة ---- دام لنا فيض قلمك
واحساسك الجميل
دمت بخير -- وبانتظار المزيد

زنجيل رائع وجميل جداً .
صح السانك وعاشت ايدك اخوية العزيز منور المنتدى والله

ننتظر منك المزيد

تقبل تحياتي وتقديري

زنجيل رائع وجميل جداً .
صح السانك وعاشت ايدك اخوية العزيز منور المنتدى والله

ننتظر منك المزيد

تقبل تحياتي وتقديري

زنــــــــــــــــــــجيل رائــع
الله عليك خيو
مميز دائمآ
تحياتي لكـ

زنــــــــــــــــــــجيل رائــع

الله عليك خيو
مميز دائمآ

تحياتي لكـ



يارب تسلمين مرورك انعش روحي اشكرك وممنووووووووون

زنجيل راقي وبمنتهى الروعة عاشت ايدك

عشت اخويع الغالي على الزنجيل المميز

وكلمات جميله وحساسه

تقبل تحياتي