افز واغفه اعله صوتك
وانت صوتك ناي
ياخذني ويعبر بضنوني
حد الشوك !!
ويرسمني اعله بابك باب !
وتطوك صفنتي بحيرة التعبان
واتوسل لجف الباب
واعبر كل سنين الاه
شايل جرحي المجنون !
ويمر ابالي ( النواب )
واذكر غربة ( السياب )
واحس الريل
بنص روحي الحزينه يصيح
حمد وينه ... حمد غايب
وكلبه هنا
بشيلة غيده ظل جلاب !
وانه وروحي
وبيادر همنه ما تنقاس
وخلص وياك اول داس !
ورسمت عيونك الحلوات
واحة موت !
وظل بروحي بس هالصوت
جلمه معانده شفافي
وحسره اباب روحي تموت !!
ومسودن عشك بي وتبع ممشاك
بكل خطوه النكلهه احاه !
بكل جلمه تطك احاه !!
ويمر ليلي عله بعادك
سجن ليلي انه بلياك
وين الكاك ؟؟؟



ماجـــــــ 14 / 4 / 2009 ــــــــــــــد

احساس جميل
عشت
تحياتي لك...

واحس الريل
بنص روحي الحزينه يصيح
حمد وينه ... حمد غايب
وكلبه هنا
بشيلة غيده ظل جلاب !

صح لسانك عزيزي ماجــد
احساس راائع وكلمات تنبض عشق وهيام
دمت لنا ايها النبع الجاري
ودام لنا ابداعك
كل الشكر لك واكثر
ودمت بخير

وفاء الغاليه شكرا لروعة المرور لك تحياااااااتي

ام فيصل
لك مني الود والتحيه وشكرا لك وانتي
دائما توسمين متصفحي
بمرورك الكريم
وتقلديني وسام افتخر به
بكلماتك الرائعه
حماك الله وابقاك
نحلة الفرات
المثابره

تحيه الك ماجد على هذه القصيده الرائعه والله وعاشت ايدك وبارك الله بك
حتى انت الربيت بهاي العيون حتى انت
صرت اول الناس............تذكر هذه الاغنيه للفنان علي جوده

تحيه الك اخي سلام وشكرا لمرورك الكريم
طبعا اذكرهه اغنية علي جوده