جنسيتي محبتك



مجنون أبمحبتك يا اعز إنسان
يا أجمل قصيدة و أحلى معزوفة


يا مالك خيالي و فكري يا معسول
اكتب بس إلك كل شعري و حروفه


قافيتي شفافك و الوزن رمشين
و عيونك بحور الشعر موصوفة


صوتك عدّة بالغبشة نغم فيروز
و ام كلثوم من قاموسي محذوفة


ألف ليلة عسل عشناها آني وياك
و الليلة إلّي ضلت اضن معروفة


نگضيهه حضن و نطابگ الشفتين
و نغني و نسولف أحلى سالوفة


يا كلشي بحياتي و يا فرح دنياي
يا من شلت من گليبي كل خوفه


ما أضنك تبيع و لا أبيعك يوم
اكو واحد يبيع گليبه و يعوفه


يالحسنك عجيب و ما اضن موجود
إذا تطلع نشوف الشمس مكسوفة


و خطية الگمر يبچي و يون تالي الليل
حدر الغيم يختل صابته الخوفة


يالحسنك ينوّر كل ظلام الكون
إذا قرص الشمس مكسوف ذليته


و گمر ليل المحبّة بشوفتك مقهور
إذا حتى الگمر بالليل بچيته


و گلوب الشباب تفرفح امن تفوت
و الشايب بعطرك اضن شليته


و نسوان ألتشوفك منك يغارون
و ألبعده مراهق نظرة أمنيته


و الطفل إلّي يرضع بعده بالكاروك
ضل يمشي وراك و يحچي خليته


و إذا شرطي طلب مني هويتي بيوم
أبرز صورتك تشتعل بيبيته


يفتحلي الطريق بصورتك مبهور
إجلالاً يدنگ و يذب بيريته


جنسيتي محبتك تدري كلش زين
شنو قيمة ليضيّع يوم جنسيته


حبك غيراني و صرت أموت عليك
شتلت گليبك بنص گلبي و سگيته


و الدم إلّي يسري بجسمي ما أحس بيه
دمك يسري بالشريان حسيته


انت العلمتني العشگ و الإحساس
فضلك عالگلب لن يدگ خليته


علّمته البراءة و طفل صار وياك
يمشي و ما يريد ايرد على بيته


فرحان و اجالك تدري يوم العيد
رايد بوسه منك هايه عيديته


يا أجمل بشر خالقك رب الكون
يا أطيب گلب بالصدفة لاگيته


يا أوفى البشر يا حلمي يا دنياي
يا أول شخص من گلبي حبيته


دوّرت شكثر ما شفت مثل شفاك
علاج و كل مرض من بستك نسيته


شلت كل المواجع من گلب تعبان
بيدك جرح لبدلّالي داويته


يا اسمي الثلاثي و گمر تالي الليل
رسمك بالگلب و بدمي خطّيته


يا قوس و قزح يا مثل للعشاگ
يعشگ گلبي حد الشيب وصيته


فرض سادس أشوفك صار تالي الليل
نسيت الخمسة و السادس أنا أديته


صدّگني احبك حد گطع لأنفاس
لأنك انت حلمي إلّي تمنيته


تمنيتك گبل ما أشوفك امن سنين
حبك بالگلب من زغري ربيته


ما أضيعك من ايدي و لا أفرّط بيك
إلا بحالة گلبي يعوف جنسيته


إذا يلفي عليّة بليلة ملك الموت
اعذر گلبي لمن توصل منيته




للامانه منقوووول

ما أضيعك من ايدي و لا أفرّط بيك
إلا بحالة گلبي يعوف جنسيته


إذا يلفي عليّة بليلة ملك الموت
اعذر گلبي لمن توصل منيته
الله ......الله
ربى يسعد ايامك
سيدى محمد
الله على زوقك الجميل
تحياتى واحتراماتى

صدّگني احبك حد گطع لأنفاس
لأنك انت حلمي إلّي تمنيته



تمنيتك گبل ما أشوفك امن سنين
حبك بالگلب من زغري ربيته


دَائمَا مَا تَمْتَزج رُوحُك .. مَع اَحَاسيسُك الراقية


لـٍ تَخلُق لَنا شَاعرية جَميلة ..


طَرحُ كَـ ( انْت في جَمَالهْ..~


تَتَنَفس حُروفُك عَاشقة بَين الأوراق ..


تَرسُم لَوعـــة الغــرام ..



تَنْبُضُ الكَلماتُ بـ قَلبُك..


اُسْطُوري ..


مُتَفَرد ..


هَكَذا اَراكـ دَومَـــاً ..


لَك مني .. بَاقآاااااتـ جوري .. لـ قَلبُك ..

مااروع هذه الكلمات سيدي

كلمات من ذهب بل اغلى من الذهب

وتدخل الى صميم القلب

دام لما عطاءك اخي الغالي


تقبل مروري المتواضع

كلمات رائعة

مشكور اخوي محمد على النقل الرائع

تحياتي لك

كلمات مميزة جداً دمت و دام ابداعك

و إذا شرطي طلب مني هويتي بيوم
أبرز صورتك تشتعل بيبيته



يفتحلي الطريق بصورتك مبهور
إجلالاً يدنگ و يذب بيريته

اكيد هذا الجمال ملائكي
غزل مفرط وباتقان
وكلمات زاد جمالها تداخل الطرفة فيها
اختيار مميز يامحمد
وتذوق راائع
شكرا لك من القلب
ودمت بخير

اخي الكريم محمد جميل اختيارهذا وقصيده رائعه حقا
تقبل مروري ودمت بخير

تسلم ابوجاسم لورده
احسا س مرهف وكلمات رائعه
تقبل مروري
تحياتي يلغالي

من بدايتهة الى نهايتهة اتخبل

عاش هذا الذوق الرفيع

تحياتي

:66 (46):منورين الموضوع .:66 (46):
:66 (46):شكراً جزيلاً للاخوة والاخوت الاعزاء على مرورهم الرائع والعطر:66 (46):


تقبلوا تحياتي وودي
:66 (46):

روعه وماتلزم امين مااجيك ويعجبني هذا التنوع والله سويتنله
واهس لقصيدة الغزل واني مفاركها من زمان ومن لجمه وحده
قلتها مره واكرر اعزف ثم اعزف
تقبل مروري ........احترامي



توفيـــــــــــــــق