بيه شي .. مثل الحزن
ساكن ابروحي
مدري حسره
مدري مطره
مدري فد واحد ايسافر
مدري سولة حب قديم
حرت ...
ياحسبه اسولفها الوحشتي
وانه حته ابسر مفاتيحك غشيم
ردت اعاتب سولتك وسنين عمري
بس لگيت الفرح بعيونك حزين
چنت گبلك تايه ابليل القصيده
انته خليت العمر دنيه جديده
امنين ما مال الهوى وياك اميل
وگلت خلصن كل عذابات الوكت
وما بقه الا القليل
تالي ضيعني غيابك ..
چن سفينه ابلايه مرسا ولا دليل
امنين ما ابحر تطگ ابروحي وحشه
وتنلچم كل الجروح
من اشوف الزعل بعيونك ..
احير لوين اروح
الليل ظلمه
الدنيه زحمه
البيت .. بارد مثل حيطان الگبر
اتمايز ابروحي ..
بعد ما بيها مثل ايام الاول كل صبر
يمته .. ؟
يل ضويتلك شباچ عمري
نمطر انه وياك وانخضر عشب
حيل مشتاق السواليفك ..
وجايبلك ترس روحي لعب
مره .. تكيتنه مطرت رازقي وذاب ابسطحكم
ومن عهد ليلتها صارت سولتي ابذاك السطح
گمت اشوف الناس بس ليل وعشگ وسطوح
والفرح من صيد امس بعيوني مذبوح
امشي .. وتعبني الدرب وحبك جمر بالرح
تكبر ابروحي عشگ ..
وازغر واسافر بيك
وانشد سواجي العمر ياوحده بيها الگيك
انتظر يمته تجي .. انطر ولا مليت
مل مني حته الغنه من كثر ما غنيت
وطگ الخضار ابغصن عمري ..
وصرت سدرة بيت
اركض .. اركض
اركض لاخر نفس وي سچتك مهره
اترس الدنيه غنه بس مر علي مره
مليت منك بعد وابقصتك محتار
هم شفت مثلي وفي منك عليك ايغار
امتانيك يمته تجي ويمته الوكت يندار
امتانيك يا منيتي وادري الوكت يندار




منقووول

رائعة هذه اللوحه كروعتك بابا احلام
وجهودك مميزه دائما
دعواتي لك
ودمتي

أشكركم من كل قلبي
علي هذا الحضور الدائم هنا
الذي يبث لي عطرا مميزا دائما
ويسعدني ويسر خاطري
مروركم هاهنا له ميزة
خاصة لدي وتواجدك
له وقع جميل هنا
فدائما كلماتكم وردودكم
تخجلني وتجعلني
أحتار ماأكتب في حقكم
وأكتفي دائما بالصمت
والشكر لكم علي
تواصلكم الدائم
لكم مني كل تقدير
وأحترام

عاشت ايدج اختي .. دمتي مشرقه

الللللللللللللللللللللللله مو حلو ؟؟؟؟ يخبل

أشكركم من كل قلبي
علي هذا الحضور الدائم هنا
الذي يبث لي عطرا مميزا دائما
ويسعدني ويسر خاطري
مروركم هاهنا له ميزة
خاصة لدي وتواجدك
له وقع جميل هنا
فدائما كلماتكم وردودكم
تخجلني وتجعلني
أحتار ماأكتب في حقكم
وأكتفي دائما بالصمت
والشكر لكم علي
تواصلكم الدائم
لكم مني كل تقدير
وأحترام