ابو امير الياسري
13-04-2009, 11:08 AM
تعال
تعال وخل سمانه اتغيم
وتمطر ورد
جوري ورياحين
تعال اشعل بگايه اوجاغ
صدرك وافتح
اگلیبك دواوين
تعال الدنيا تفرح من تِجَمْع
اچفوفنه
ونصبح حبيبين
تعال اسرج مهر عمري
النسيته امربط
ابواحاتك اسنين
تعال العود من ييبس يصير
اوگود
بحلوگ الچوانين
*** *** ***
تعال اگليبي ورّم والشماته
اسيوف
وفراگك سچاچین
تعال ولملم احلامي الغدت
سالوفه
بحلوگ النساوین
تعال ولاتخاف الناس وهلك
واكسر
اعراف وقوانين
تعال وفوت ياسفان انه
اگلیبي بحر
وسنينه عشرين
حلم عمري انذبح بجفاك
واحلامك ورد
تضوي ابروازين
*** *** ***
يصيّاد الدليل ارحم بگايه
اهروش
بين الماي والطين
رمح فرگاك طر چبدي وتعدى
احشاي كلها
وهدلي ظلعين
ولاچن حادي ظعنك شافني
امدد ونازع
غصّة البين
ولاچنك سمعت الصوت من
صحتك ولك
يفلان لاوين
عفتني امسَجٌه جثه ابليل
وذياب الفلا
اتولتني صوبين
ولاهزّك دمع ياحيف لا
حرّك ضميرك
شوف ميتين
ولاعشرت عمر لاليل لا
ضحكة سهر
لاحركك دين
عفاني اشحامل من آهات
وانه اضحك وداري
وچبدي نصين
تعال الشوف رك واهل الهوه
ايگولون تنفع
كحلة العين
تعال اعضاي ترجف والثياب
اِمّزّگه
وممطوره صوبين
تعال وخل سمانه اتغيم وتمطر
ورد جوري ورياحين
************************************************
15/2/2003
__________________
لا يجوز شرعا وقانونا التصرف باشعاري
دون الرجوع الي وموافقتي
تعال وخل سمانه اتغيم
وتمطر ورد
جوري ورياحين
تعال اشعل بگايه اوجاغ
صدرك وافتح
اگلیبك دواوين
تعال الدنيا تفرح من تِجَمْع
اچفوفنه
ونصبح حبيبين
تعال اسرج مهر عمري
النسيته امربط
ابواحاتك اسنين
تعال العود من ييبس يصير
اوگود
بحلوگ الچوانين
*** *** ***
تعال اگليبي ورّم والشماته
اسيوف
وفراگك سچاچین
تعال ولملم احلامي الغدت
سالوفه
بحلوگ النساوین
تعال ولاتخاف الناس وهلك
واكسر
اعراف وقوانين
تعال وفوت ياسفان انه
اگلیبي بحر
وسنينه عشرين
حلم عمري انذبح بجفاك
واحلامك ورد
تضوي ابروازين
*** *** ***
يصيّاد الدليل ارحم بگايه
اهروش
بين الماي والطين
رمح فرگاك طر چبدي وتعدى
احشاي كلها
وهدلي ظلعين
ولاچن حادي ظعنك شافني
امدد ونازع
غصّة البين
ولاچنك سمعت الصوت من
صحتك ولك
يفلان لاوين
عفتني امسَجٌه جثه ابليل
وذياب الفلا
اتولتني صوبين
ولاهزّك دمع ياحيف لا
حرّك ضميرك
شوف ميتين
ولاعشرت عمر لاليل لا
ضحكة سهر
لاحركك دين
عفاني اشحامل من آهات
وانه اضحك وداري
وچبدي نصين
تعال الشوف رك واهل الهوه
ايگولون تنفع
كحلة العين
تعال اعضاي ترجف والثياب
اِمّزّگه
وممطوره صوبين
تعال وخل سمانه اتغيم وتمطر
ورد جوري ورياحين
************************************************
15/2/2003
__________________
لا يجوز شرعا وقانونا التصرف باشعاري
دون الرجوع الي وموافقتي