طلت علينه من الصبح دكت الباب أبحركه
كالت صدك باجر سفر أبعبرت حجي أو مختنكه
دارت اديه عل متن شبكتني ذيج الشبكه
شالت العين أوركزت كسرت جفنه أمدنكه
أتكلي جا وين ألوعد أبحلفك تراني أمصدكه
يرضه الله بهواك أحترك ليش آني أحمل حركه
أزغيره وربه عل وصل مالك لخلكي أتضيكه
كتله لابد مائرد ويطيب عدنه الملكه
ونحني بيبان الصحن أو شمع النذور أنعلكه
وملبس الفرحه نطش الكل الشفاف أنفركه
أو لو نامت الناس أوغفت أتشوفين جرحي أشغمكه
أوهاي الظلوع اتثقبت ونتي ألهه احسن لزكه
ــــــــــــــــــــــــــــــــــــــــــــــــــ ـــــــــــــــــــــــــ
الخالدي(شاعر غرام )