يالصرت مسك الختام الدينها
ختارك المصطفى الهادي حينها
*****
ختارك وسر الرساله ودعــــــك
امنه الباري ثكلها وامنـــــــــــك
يدري منهجها تعدله بركبتــــــك
وعهد صاير بينك ومابينـــــــــــــها
*****
عهد ويه حسين من يومه انوجد
علمه جده وغذاه بالمهــــــــــــد
هو سور الدين واعيه العمـــــــد
ويظل خالد شخصه وبدارينـــــها
*****
شخص ابواليمه علم فوك القمم
نور للايمان والعز واكــــــــــــــرم
من وريده صاغ دستور الامــــــم
ورمز صار الها واصل تكوينـــــــها
*****
شلون مايصبح رمز الها ورمـــــز
بوكفته للحين محتار العكــــــــل
دارللرحمه والحك والعــــــــــدل
نفس دار المرتضى وبعينـــــــها
*****
شكدجرت عل الدين اهوال وحروب
وللحناجر سارعت منها الكلـــــــوب
ثبت بيها حيدره داحي البــــــــــوب
واله تشهد خيبر وصفينـــــــــها
*****
خيبر وصفين ماوادت صلت أبد
الواقعة كربله يظنيها الامــــــد
حشدت عدوانها سيوف وعـدد
رادت الروح الرساله اتبينــــــها
******
تظل روح حسين تومي للرسول
هذا نحري الواعدت بيه البتول
بعد ساعه والعده فوكه تجول
بدمع ياما حاولت تبينـــــــــــها
******
بينتها وكلت هذا ابني الحسين
يظل منهج متبع للعالمين
ليلة العاشر تحجله المسلمين
تنول حجة مكه وبسبعينها
******
قاد بالسبعين ثوره من الشرف
الها تاريخ المجد قر واعترف
والبريق الواقعه بهيبه خطف
بجف ابو فاضل رجح تمكينها
*******
ايعينها بكل شده ويذل الصعاب
مدلل اخته وتنسبي لو عنها غاب
دون جفينك يبن داحي الباب
تفدي زينب للاخو جفينها
*******
زينب اختك ماتعز عنك جفوف
وبالشدايد كلب مايعرف الخوف
صوره من الزهرهوكفت بالطفوف
بالزجيه الطاهره مشبهينها
*******
بروحها زينب الدين الله فدت
وللظمير الغافل الحره ايقضت
فاجعة كربله لولاها انست
معزة آل النبي مسمينها
******
بعزم زينب من تطب ارض النزال
رجال منها ترتعدسوح الابطال
ألما تحشمه الحره ماهو من الرجال
الدنيا تنساه ويكع من عينها
*******
ساعد الله زينب بطف كربله
وبصبر ر’سله صبرها يماثله
ضخر هذا اليوم من رب العله
كون حاظرها الامين ايعينها
******
نادته احضرني يبويه يا علي
لاخدرلاجود لاظّلي ولي
ترضه بالطف العقيله تنولي
بالحبال جفوفها مكيدينها
*******
مكيده والدمع من عدها يسيل
وتظل ترجه وتنتخي حامي الدخيل
تشجي حال حسين يو حال الجفيل
على الكاع اجسادها موذرينها
*******
عفت اجساد النشامه اعله التراب
الاكبر وجاسم وعبدالله خضاب
دون دين الله ضحينه الشباب
وللرساله ارواحنه هادينها
******************************************
الى كل من نهل من مدرسة العز والشموخ والشهادة اضع بين يديه موشحي هذا طالبا الشفاعة لي ولاهي وكافة اصدقائي من سيد الشهداء وابي الاحرار الحسين(ع)



توفيــــــــــــــــــق



اعتذر اذا كان هناك اخطاء طباعيه

عاشت ايدك اخويه العزيز على هل كلمات الجميله لك مني خالص التحيه


تقبل ردودي

اخي الغالي اشكر مرورك الرائع وامنيات مع الدعاء ان تجد ماضاع وياربي يسعد كلبك امنياتي
بالنجاح

توفيـــــــــــــــــــــــــــق

السلام عليك يا ابا عبد الله روحي فداك سيدي ومولاي

عاشت ايدك وصح السانك اخويه العزيز توفيق
بوركت وسلمت يداك ماقصرت
جعلها الله في ميزان حسناتك

تقبل تحياتي وشكري الجزيل

تقييمك يضاعف من الحمل على كاهلي ويضعني امام مسؤوليه اتمنى ان تكون لي القدرة على
تحملها يعجبني عزفك في المشاركه وفي الرد بارك الله فيك وربي مايحرمنا منك انه سميــــــع
الدعاء.............احترامي

توفيـــــــــــــــــــــــــق