مايذل لاهيهات ابنج يبغداد *** بأخر نفس ويصيح منصوره البلاد
باخر نفس ويصيح منصوره بغداد *** وعاشت بلاد الخير يادار الامجاد
عاش العراق انصيح عاشت فراتي *** واصرخ بعالي الصوت دجله حياتي
دجله وفرات الروح والكلب ذي قار *** وعماره عيني اتصير والجسد انبار
كربله تصيح بصون ارض العقيده *** اليمس حدي اليوم نكسره ايده
صبت دمع ذي قار كالت حسافه *** وانحنت لمن طاح جسر الرصافه
يتعلم علم هالناس من علم اشور *** وكل عالم يكلك روح اتعلم ب اور
روح انشد التاريخ عن الحضاره *** تلكه بحبر مكتوب بغداد المناره
نصرخ نصيح ابصوت والباري شاهد *** واحد عراق الخير والشعب واحد
تلطم تدك عالراس دجله وتنادي *** لوني احمر صار من دم بلادي
رددت فرات بصوت واحد شعبنه *** سنه وشيعه اخوان كرد وعربنه
أنشد الضمير وصاح من شط عربنه *** سنه وشيعه اخوان نحرر بلدنه




مما راق لي

قصيدة رائعة بوركتي اختاه انتقاء يدل على اصالتك
شكراً جزيلاً ...
تقبلي تحياتي وتقديري

مشكور اخي العزيز على مرورك الطيب

عاشت يمناك

نصرخ نصيح ابصوت والباري شاهد *** واحد عراق الخير والشعب واحد

اختيار موفق عزيزتي
وصح لسانج - واحد عرق الخير والشعب واحد
والله لايغير علينه
الف شكر لك ولهذا الحس الوطني
وبانتظار المزيد
تحياتي لك

مشكورين اخي الشاعر حسين العبادي والأخت ام فيصل على مروركم الطيب

مشكورة حبيبتي

فعلاً كلمات مميزة

و ابداً ما ينذل ابنچ يا بغداد

تحياتي لكي اختي

وناطرين جديدچ