المساعد الشخصي الرقمي

مشاهدة النسخة كاملة : اعذرك لو رحت


محتاره
02-04-2009, 07:34 PM
ليش تكلي احبك بس بدون احساس

يعني شلون ؟ ما افهم صرت قصدك

اذا ودك تغيير .. كلي دون اسرار
لــتحبني بكلامك .. حبني بــــودك

من يوم السألتك واني مامرتاح
ولاعيني غفت من اسمعت ردك

اكضي الليل صافن واحجي اني وياي
ابرر موقفك .. واتعذر الصدك

تراوالي المحبه تزيد يوم بيوم
ويحسدني اليشوفك يمي ويحسدك

عجيبه شبيك تبعد من امرن بيك
وليش تضم علي كل عطرك و وردك

جرفك اني يابحر الحسن مشتاك
صار هواي مامر للجرف مدك

صار هواي ادور بينك انت وبيك
بلكي الكاك بيك وودك يردك

مالومك الك بس اني هم معذور
ماتعرف همومي بهلوكت بعدك

صدكني الوكت وك لعب دوره وياي
والدنيه بغفل من حالي باكتني

زرعتني بجروح وضوكتني الويل
وتعب فوك التعب ويايهه تعبتني

غسلتني بدمع وبليل وبكابوس
ولمن كملت .. بالنار شرتني

جرحتني وكبر بييه الجرح اضعاف
وبسموم الدهر صدكني داوتني

ومن ملت ولك فلت ضمادي بساع
وبحلك الجرح مجروح خلتني

حبيت الحياة برغم كل الجور
بس دنياي ابد ما يوم حبتني

اذا ودك برد .. حقك وانه الغلطان
واعذرك لو رحت .. شو كلهه عافتني


اذا عني رحت مر بييه كلما انام
لان بجفوني صوره وياك رسمتني


اضل كل عمري نايم واعكد الجفنين
اذا طيوفك حلم وبليله مرتني


تحياتي......منق ـوول
هاشم نجم
02-04-2009, 08:23 PM
الاخت /محتاره
كم من الالم والصراخات
وكم من الحنين وجدت هنا
هنا أجد لوحة ألم مرسومه
ومصورة بأحلى الصور
كلماتها تدل على رقة الاسلوب والعفويه
إنتقاء مميز ورائع
تحياتي
حيدر اللامي
02-04-2009, 10:27 PM
انتقاء مميز
مشكورة ننتظر الجديد
تحياتي لك
الزير سالم
03-04-2009, 05:25 AM
غسلتني بدمع وبليل وبكابوس
ولمن كملت .. بالنار شرتني

جرحتني وكبر بييه الجرح اضعاف
وبسموم الدهر صدكني داوتني



كلمات في قمة الروعه

معاني لها تأثير في الصميم

دمتم بخير
محتاره
03-04-2009, 05:57 PM
شكراً لمروركم العطر

وكلماتكم التي تزيد صفحتي اشراقا

مودتيـ
اسدالعراقي
04-04-2009, 07:05 PM
شكرا اختي العزيزة محتارة الوردة
على الكلمات الجميلة و المميزة
عاشت الايادي ياوردة
وتحياتي
http://up.foraten.net/uploads/64d7738e18.gif (http://up.foraten.net)
محتاره
04-04-2009, 08:57 PM
مشكور اخويه على مرورك الدائم في صفحاتي

نووورتـ الموضوع

مودتيـ
ام فيصل
05-04-2009, 04:56 AM
مشكورة عزيزتي
على كل ماتنتقين من قصائد جميلة
كلمات جميلة -- يتخللها اللم والحسرة
دام لنا عطاؤك
وتحياتي لك
محتاره
05-04-2009, 06:06 PM
نووورتي عزيزتي

شكراً لكٍ

مودتيـ
twfeek
06-04-2009, 07:42 PM
أختيارك في النقل أكثر من رائع وينم عن حس شعري مرهف شفاف فيه التضحيه تتجسد بأستمرار
(بيني وبينج ما أعذره لو أيموت) تحيـــــــــــــــــــــــــــــــــــــــــــــــ ـــــــاتي

twfeek
محتاره
07-04-2009, 02:41 PM
شكراً لمرورك الدائم في صفحاتي

نووورتـ الموضوع

مودتيـ
ابو امير الياسري
10-04-2009, 11:09 AM
محتاره دوم ابدمعتي والزين مايدري الزين
فكري انشغل ظل سارح
والشوگ احس بي جارح
لابيـّه اسولف قصتي لابيـّـه اظم حب اسنين
والزين مايدري الزين
***********************************
هذه كلمات من اغنيه قديمه كتبتها قبل سنوات اهديها لكِ لاختيارك الرائع للقصائد الجميله بهذا الذوق الراقي
محتاره
11-04-2009, 04:55 PM
شكراً جزيلاً لك على هذه الابيات الجميله

نورتـ الموضوع

مودتيـ