صدك رايح حبيبي




صدك رايح حبيبي بلايه توديع

وقرارك هذا صار بغير رجعه

يمن صدرك حنين وكلبي مفطوم

من يبجي عليك شلون أقنعه

وأجيب منين شمعه تسامر الروح

وأنت بليل المحبين شمعه

وياقطعه الأحطنها بمجانك

واني الحاسبك من عندي قطعه

علمني الصبر لو رايد تروح

أنا بلياك وجعه تعين وجعه

بعدك ماجفيت وبان بسمار

وبسمارك عزيز وعيب أشلعه

ألمن سلمت كلبي اليهم بيك

ومن يشكي الهضم ياهو اليسمعه

حرت وين أطي وجهي وكلها عذال

ويا درب اليوديني وأتبعه

والله الوجعه ماتاذي اليعذلون

لراعيها تظل توجع الوجعه

كتلني كاس هجرك لا تلح بيه

شربني عله كيفك جرعه جرعه

أنا بلا روح بس الجسم ضليت

نص ميت ونص باجر أشيعه

رايد شوفتك وأحلم بملكاك

يبوطول الحلو وعيون وسعه

وأشوفك بيش أشوف منيلي عيون

ياعين التصد وبنصها دمعه

شتلت حبك شتل مابين الضلوع

بس ماحسبت بيدك تكطعه


بقلم

الشاعر نبيل الحمزاوي

أين تحيا الورده إن خان الربيع؟؟
وماذا تشتاق اوراق الصباح
ونداها إن تأخرت الشمس؟؟
عزيزي الزير
قصيده رائعه في نزف المشاعر
إختيار موفق
مودتي

كنت هنا بين همساتك وكلماتك

عشت معهااااا وتذوقت معانيهاا

تنفست هنا عبقا مختلفا

تفتحت له رئة العشق

ليته لا ينتهي البوح

غاليتي

لدفئ انفاسك

عبير مختلف

كل الود

شكرا اخي الزير سالم على البداع الحلو........تعرف اخي ليش حلو انه اخلصت منه
اخي اذا اتريد ارجعه انا بلخدمه:2:

شكرا لكم على هذا المرور العطر

دمتم بخير

صدك رايح حبيبي بلايه توديع

وقرارك هذا صار بغير رجعه

يمن صدرك حنين وكلبي مفطوم

من يبجي عليك شلون أقنعه
الله عليك يالزير
وعلى هذا الإختيار الرااائع
قصيدة اكثر من رائعة
دمت لنا ياصاحب اجمل احساس - ايها الدافئ المشاعر
موفق دوما --- ومميز
خالص ودي لنبضك الحي

يسلملي مرورك العطر امي العزيزه ام فيصل

دمتي بخير دائما

كلام رائع

وهذا ليس جديد على مبدع مثلك

دمت ودام ابداعك اخي

وما تحرمنا من روائعك و فيض كلماتك الراقية

تحياتي لك ايها المميز

شكرا للمرور اخت محبة اسد العراق

نورتي الموضوع

موضوع او قصيده جميله
تقبل مروري اخي العزيز الزير ســــــــــالم