اجيك منين ....؟
اذا كل الدروب تكول مو منا !
واذا كل الوجوه الي اسألتهه
تكول ما شفناه !
ندور اعليه جان هنا
امس جابه الدرب منا
امس لميت فرحي وعمري
وضنوني
وبدمع عيونه احويناه ..
امس فرت الروح وعانكت طرواه
معقوله الادوره سنين هسه
الكاه ؟
معقوله الغفه ابالي
يفزز بالي واتلكاه ؟
وما كمل فرحتي بيه
ولابيه تكحلت عيني ولا شفناه
ولو ما جاي جان ارحم
جا عدنه حلم عشناه !!
اجه جيت سفينه
وروحي بس ميناء
ما طول كعدته وياي
ولامن الحجي اشبعنه
ولا اشبعناه !
طيف مسودن ومجنون جنه الموت
مر بعيونا وعفناه
ورغم كلشي ورغم صرخة
كليبي المايحن لنداه
راد يروح
واليريد يروح الله وياه
متعود اظل وحدي
وعله احلامي العتيجه اتوسديت
الاه
اليريد يروح الله وياه
لكن وين ...؟ يل عايف كلب مجروح
احنا هنا ... اهله هنا
الدموع مسودنات
وكلبي جن مشحوف
طر جروح كلبي
وايدك انت وياه !
لاتلويه كلبي اشكد كبل لاويه
حظي والزمان شكد كبل لاواه
واجيك منين .....؟
يل سديت بابك
ما ادكهه اردود
وكبل اني كلتهه وراح اكول اليوم
زند اليدك بابك
تنكطع يمناه !
ولون بيدي . ولون بيدي
جان الليل انامه وما اهمن بيه
وجا بيرغ فراكك
كوه نزلناه
واجيك منين ....؟
واشو الباب سديته
وكتبت بيدك لجيتك
لا ...لا ...لا
واكتبت بيدك لجتك
لاء


اخوكم ماجد
1/ 4 / 2009

الله الله
رائع يا ماجد ماهذه الكلمات الرائعه
واسمح لي بالمشاركه
بهذا البيت

صدي الحب ماشئت.... فإني أحبك ملء قلبي فاذبحيني
وخلي الشعر محرابا لقلبي.. وزيدي الدمع كي أغسل جبيني

لك مودتي

قلمك ينبض ابداعا وحرفك ينزف جمالا
لقد اسرتني بحروفك وجمال اللفظ وقوه التاثير على نفسي..

فكل حرف كتبته كان له وقع الرصاص في نفسي..

مبدع .. ولا تحرمنا من هذا الابداع ابداً

سلمت يمنآكـ وسلم قلمك

كل الود وعبق جوري لروحك

حبيب كلبي هاشم
شكرا للمرور العطر ولمداخلتك الرائعه
تحياااااااااتي لك ولاحرمنا الله هذا المرور
المميز

محتاره
شكرا من القلب لهذه الطله الجميله
والمميزه اشكرلك كلمتك
وسلامتك من الرصاص
وشكرا على عبق الجوري
يارب تكوني بخير دائما

ماجد رائع قصيده تفعيله جميله وقلمك ينبض شاعريه ما شاء الله عليك وبدون حسد
تحياتي الك

شكرا حبيبي سلام لمرورك الكريم
وسعيد جدا بتواجدك

شاعرنة الرائع ماجد قصيدة روعة ولله تسلم اخي العزيز