ما مرتاح



أحس ليلي طويل.. وماورا مصباح..

ما مرتاح



أحس الجاي من أيامي يتندم على اللي راح..

ما مرتاح



ما مستقر لا والله

أحس مو عالأرض عايش ..على إجناح..

ما مرتاح



أحس تعبانه خطواتي

.. واتعـّكـّـز على إرمــاح ..

ما مرتاح



أحسها إنسدت إبوجهي

الدروب إتكَاطعت ياصاح

ما مرتاح



أحس روح الفرح فاضت

بــس حــــزني إبســـبع أرواح..

ما مرتاح



ما مرتاح .. بالغربه..

وما مرتاح لو أرجع ..ولا ارتاح

وماني بحال باب البيت

لوينكسر..لو ينزاح



لو ندخل عليه ميتين لو أشباح

آني أسأل عن الماضي...



هـم يرهـم عـليه مـفـتاح..؟



تحياتي وسلامي

للشاعر رحيم العراقي :66 (46)::66 (46)::66 (46):

تسلمين على الموضوع الرائع
تحياتي http://www.alforat.org/images/smilies/forat/66%20(46).gif

ما مرتاح
ما مرتاح .. بالغربه..
وما مرتاح لو أرجع ..ولا ارتاح
وماني بحال باب البيت
لوينكسر..لو ينزاح
لو ندخل عليه ميتين لو أشباح
آني أسأل عن الماضي...
هـم يرهـم عـليه مـفـتاح..؟

كلمات مؤثره,,
شكرا للشاعر رحيم
واشكرك اختي على نقل القصيده الرائعه والحزينه بنفس الوقت
دمتم سالمين ان شاء الله