بعد ما اوصي كلبي يعاتب الروح
شيفيد العتب وتريد احاجيك


ماشه نار حبك تلهب وياي
كافي انزف جرح وتريد اداويك


تحركني بغرامك واشتعل نار
وهسه تريد ترجع ما اخليك


ياريتك تجي وتشوف الجروح
تلكاهن خطيه يسولفن بيك


شسولفلك عليهن والله محتار
ياجرح التشوفه ابناره يجويك


احبك حب عراقي يحب الهموم
اصيل وشايل الدمعه ويسليك


حبيتك طفل ربيته وياي
ياعشك الطفوله شلون أأذيك


سامرتك ليالي وكلبي مذبوح
مثل نجم السعد بحضاني الوليك


يدك ناي الحزن وي صفنه الليل
حد وجه الصبح موال اغنيك


واسولفك عليه وحالي خلصان
بس عندي المهم لازم اداريك


شوف اثار حبك بين العيون
بين شيب بيهن وانت مابيك


وبين بالكلب حبك نياشين
بعد شكثر بعد وتريد اراويك


بين كلشي بين منك وياي
سلاما على الجروح البيهه اباريك


جنت شمعة بحياتك تطرد الليل
هسه الشمعة ذابت بيش اضويك


اترس حضني الك بدموع العيون
واذا راحن عيوني اشلون ارويك


من ماي الكلب شربتك وياي
وافتحلك نهر من كلبي وسكيك


هسه الكلب مات او مو كلب صار
جثه ابنص جسم حاجيني شنطيك


لميتك دمع بعيون الايام
كلي شراح اكلهن لمن ابجيك


ألملم ذكرياتك حتى ارتاح
وشوف شباقي بيهن حتى ابديك


طبع ذيب الوكت لتأمنه الجروح
زمان الضحكك لازم يبجيك

منق ـووول

مميزة دوما بحساسك محتارة
نقل جميل واختيار موفق
كل الشكر لك عزيزتي
وتحياتي لك

من ماي الكلب شربتك وياي
وافتحلك نهر من كلبي وسكيك
ما شاء الله
ربى يسعد ايامك
سيدتى محتارة
تعرفى سيدتى
براعة اختيارك لا ياتى الا من مشاعر فنانة
تحياتى واحتراماتى

بين جدران الصمت ....
ودهاليز اليأس........
بين ظلام الوحدة..........
وظلم الأحبة........
أحساس بالتراجع أحساس بالضياع أحساس بالخيانه........
اه يانكران الجميل........
اه ياطعم الخيانه ........
اختيار موفق
ياصاحبة الذوق
مودتي

كلام جميل
قصيدة كلش حلوة
مشكورة على النقل الرائع
تحياتي لك

دائما الابداع ميزتك وتنتقين من الشعر اروعه تحياتي

مميزة محتاره بحضورك
الجميل وتختارين دائما نا هو رائع
تحياتي

شكراً جزيلاً لكم

نورتوووا

مودتيـ