تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !


لا يا ( حبيبي) .. الزمن لا يخليك
تقسى على قلبي وتسقيه سِمِّك !


[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !


ما هي غريبه من يذمِّك يماشيك
لكن غريبـــه يمدحك من يذمِّك !!


ما كل واحد غاب معناه ناسيك
بعض البشر ينساك لو كان يمِّك !


أدري تعزني .. اللـه يعز غاليك
وإن كان لـي عندك معزَّه بضمك !


في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !


إسمك حبيبي ويا كثِرها أساميك
وقلبي يفز .. لا جابوا الناس إسمك !


ليتك تحس في ضيقتي يوم أحاتيك
أحرق لك أعصابي .. وما حَس دمِّك !


غايب بدون أعذار .. ربِّي يجازيك
عطني سبب مُقنع حبيبي .. وألمكّ !


همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !


[ لبيــه ] منِّك غير .. لمَّا أناديك
كن الكلام العَذب ... مرساه فمِّك !


مهما غلوك قلوب ناسٍ حوالــــيك
أغليك أكثر منِّهُم بس .. لعلمك !


أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !


.


.


شايف غلاهم لِك .. أكثر أنا أغليك


واللِّي وِصَل ( نِص الغلا ) يمكن أمّك !


وسلامتكم


مما راق لي

ما كل واحد غاب معناه ناسيك
بعض البشر ينساك لو كان يمِّك !


كم انتي رائعة قصة مطـر
اختيار رائع ومفردات قصيدة اروع
شكرا لهذا التذوق الراقي
قصيدة نبطية جميلة
سلمت -- وسلم المداد

الله
ما شاء الله
ربى يسعد ايامك
سيدتى
بارك الله بك على روعة اختيارك
تحياتى واحتراماتى

قصيده قمه في الروعه وربي
ننتظر المزيد

أشكركم على تكريم أحرفي المتواضعة ........!!




أسعدني مروركم وأبهجت قلبي كلماتكم الغالية وإطرائكم لي والجمال هو مروركم عليها ........!!
لكم مني أرق وأعذب
التحايا المحملة بروح المسك لقلبكم الصافي






تحيااااتي..

قصيدة نبطية جميلة
احييك لما جاء به قلمك النابض
اتمنى لك دوام التألق
تقبلي مني باقة ورد