.سيدي العراق كم انا احبك لكنك مازلت تجهل حبي لك ..فيك الاخيار

ياسيدي ولانهم فيك قررت ان اموت هنا ..بين يديك ..لك ولكل الاخيار عظيم محبتي ولكل المتلاعبين بمشاعري جم غضبي ..

القافله مما راق لي
\\\\\\\\\\\\\\\\\\\\\\\\
هله هله .. ومية هله ... والف هله
سولتنه صارت من زغر ؟
ياهو اليجي نصفك اله نهلهل اله انغني اله..ان ان اله
وموبس تره انصفك اله ...
بالروح بالدم كل وكت نستقبله
يوصل مشي..يوصل على اجتاف الزلم
لومنتجي ببي ام دبليو مضلله
نجوع نعطش مو مهم ... عدنه المهم اندلله
ومومشكله ..حجايه انحجت ظلت اببالي امخيله
كالو اذا كلش عصت ؟شيل الكلب خلي الكله
شلنه الكلب ...عمي وبعد شلنه الكله
وظلينه نمشي بفدكله...جاغير تكظي المهزله
راحت واجت ناس شكثر ..
كلهه اعجزت عن فك رموز المساله
راح المشه .. وظل الاجه ولتزعله
يزعل تره ومن يزعل ايسد الهوه
وانت بطرك ريه وسجن بيبانه ظلت مقفله
ومومشكله ... كالو اجتكم قافله
كطعت مسافات شكثر ...مرت مناطق قاحله
عبرت محيط الاطلسي وفرت الهندي اباكمله
جنت اعتقد مليانه كلشي القافله
بيهه دوه لامراض ظلت مزمنه ..وخيرات الله امحمله
ويامن يجيب القافله ؟
اتاخرت ..يم الخليج (العارسي )..ياهو التمر بي تساله
(وير از اراك) وكربله؟
حسبة وكت ..اي كول دلوهه الربع.. وعالبوصله
وصلت لميناء( ام فكر )..ظلت وكت تتامله
دكت اجراس القافله ..باب انفتح ..
مامش دوه ولاباله بيهه امعدله
ولانيدو بي صوره لطفل لاقمصله ...
بيهه يجي اثلثمية الف ...كلهم عرف
شايفهم انه من كبل ..سود وحمر ..لالحيه لاشارب يرف
ساعتهه بالكلشي ايقنت.. واحساسي بالخوف امتله
دكت اذن ساعة صفر
تعلن بداية مرحله ..
بيها الزمان يعيدنفسه امن اوله
يرجع حسين لكربله ...وزينب بنحره اتقبله
وقربان يتقدم طفل ...واشرف ايادي امكبله
لازم اذن ..يرجع يزيد وحرمله

كلماتـ رااائعه

سلمتـ اناملكـ دومكـ مميز بأختيارك

مودتيـ

الله الله يالصكر
تسلم لنه والله هالذائقة والإختيار الرائع
لوحة رسمت بالخوف والحزن والألم والصبر
ولونت بدماءابرياء طاهره نقيه كنقاء السماء
وبيعت لمن يملك المال ولا يملك حس الفنان
شكرا لهذا الإختيار الرائع ياصكر الأمسيات
وتحياتي لك

الله الله عليك يلصكر
حقيقي بينت الواقع بهل الابيات الرائعه
بس والله جانت كلمات اله وقع القذائف
احييك وتسلم وصح السانك يلغالي
تقبل تحياتي

م ح ت ا ره000
جل مافي عينيك اني اخشاهما00
تعليق على التوقيع للممزحه فقط000
نورت متصفحي بكلماتك الرائعه فالف شكر
ولك احترامي وتقديري
كوني بالقرب دائما
صكر

ماشالله عليك و على موضوعك المميز اخوي

لك خالص تحياتي يا صكر

و انشالله دوووم متميز هيجي


اختك رنــــــــــــــــــــد

ويامن يجيب القافله ؟
اتاخرت ..يم الخليج (العارسي )..ياهو التمر بي تساله
(وير از اراك) وكربله؟
اي اخويه هذا الكلام العدل اليمري الگلب والله تحيه الك ياصكر (اتگول ما ادبرهه )
انت الچبيره ما تعصي عليك انوب هاي (القصيده) تسلم وتعيش بارك الله بك
رد على هذا المنوال ؟ سلام الدراجي

تسلم حبي ابو علي
على ها القصيده الرائـعه

اخوكـ


هنودي البصراوي