يمه فديتـك مـن همـوم الليالـي
يمه عسى ما شـر شفتـك تونيـن


يمه خذي مالـي واخـذي حلالـي
يفـداك يـا يمـه وأنتـي تعرفيـن


يمه تـرى منسـى خيالـك قبالـي
يمه خيالك مسكنـه داخـل العيـن


إلين سمعت الصـوت ينسـر بالـي
وانسى هموم الوقت وانسى الدواوين


يمه ترى الجنـه معـك والمعالـي
يمه قدم رجلك أحطه علـى العيـن


أذكـر زمـان اول وانـا فالدَلالـي
أذكر تعبتي معـي وانتـي تربيـن


من كثر ما ركض من يمين وشمالي
واتعبك ما همي سوى اللعب تدريـن


وتقولي اجلس يـا وليـدي ومالـي
وانا مع الشارع ولعـب الوراعيـن


احيان اقول إنـي صغيـرٍ وسالـي
العب مع الجهال لعـب الشياطيـن


يوم اتذكر وش جرى فـي خيالـي
مدري عن الأيام وشلـون تمشيـن


يوم إني اكسر خاطـرك مـا ابالـي
ما همنـي يمـه صغيـر ومسكيـن




يا حسرتي يا وقتي اللـي مضالـي
يوم اشوفك طول الأيـام تبكيـن


مدري مـرض ولا همـوم تصالـي
مدري تعب مدري كثر ما تحسيـن


يمه عسى روحـي وحالـي ومالـي
فدوه لدمعـك يـوم للدمـع تخفيـن


يمـه لـو الأيـام تشـرح سؤالـي
سألت أنا الأيام وينـك وانـا ويـن


وسألت دمعـك يـوم بـل الشيالـي
يا دمعة تسـوى كنـوز السلاطيـن


وسألت حر الشمس ويـن الظلالـي
وسألت قمرى الليل ما نورت زيـن


يمه أبي منـك السموحـه ولا لـي
مطلب سوى تعفين عني وترضيـن


واخذي مـن الدنيـا ودوك العيالـي
أنتي لنـا الراعـي وحنـا رعييـن




ادعـي لمنهـو بيـدتـه الليـالـي
عسى زمان راح يرجـع وترضيـن


وصلاة ربـي عـد رمـي النبالـي
على نبـيٍ وضـح الحـق والديـن


وسلامتكم
مما راق لي

قصيدة رائعة وجميلة تحياتي لكل امهات العالم
سلمت اناملك يارائعة اتمنى لك المزيد من التألق
لكي الشكر ولذوقك الضعف

قصيده رائعه
تسلمين خيتي على الاختيار المميز والرائع
في امان الله

احسنت على هذا الإختيار قصة مطر

الأم وماادراك ماالأم ؟؟؟
عطاء بلا حدود
تضحية بالنفس
حب وحنان
ربيع دائم -- حضن دافئ ------ تلك هي امي
حفظ الله لكم امهاتكم وكل عام وجميع الأمهات بالف خير

تحياتي وودي

كلام جميل جدااا
مشكورة اختي
مميزة دائماا
تحياتي لكي

حروفكم دائماً تضيف التميز لطرحي
وكلماتكم هي انارت حروفي
وسعدت أكثر
لان متصفحي راق لذائقتكم

وشكراً على سمو اخلاقكم ورقي تواضعكم كل الاحترام كل التقدير على مروركم
كونو بالقرب دائماً وابداً