انتظرتك من جنت بحلامي خوف
وانتظر ها اي اجه وماجاني

وانتظرتك يل جنت كلب الحمام
وطلع كلبك بي دغش شيطاني

انت شنهي الكلب عندك من حديد؟
لو كلب كلبك طلع بي ثاني؟

انت من كتلي اروح ارجع اكيد
ومن كثر ماادعي طاح الساني

اذني ماتسمع بعد غيرك كلام
بسمك اذني اتعودت تنعاني

عيني من بعدك تره مابيهه شوف
ومنهو يسوه الشوف حتى انشوفه

شكثر رادوني اعوفك من زمان
ورجعوا وكالو ابد لتعوفه

انه جرفك يل جنت نهر السراب
وانت اول ماي عاف جروفه


انه مو بس انه احبه من زمان
حروف اسمي العاشكات احروفه

انت مو همزه وصل لا للوصول
وحتى واوك ابد مامعطوفه

انت تجرح تمشي عادي بلاي خوف
محسب انت الجرح راح انعوفه

اي وحك عيناك تنراف الجروح
واثر يبقه بكل جرح معروفه

انه ردتك يالجنت بحلامي خوف
وجنت اريدك ضوه يبقى بعيني

انه بيك من العشك حد الجنون
وانت طبعك ماخذ شمطيني


تحياتي للجميع

احسنت ياساهر
قصيدة احساسها جميل
شكرا لك على هذا الإختيار الرائع
والمفردات الجميلة

ننتظر جديدك عزيزي
وتحياتي لك

احسنت ياساهر
قصيدة احساسها جميل
شكرا لك على هذا الإختيار الرائع
والمفردات الجميلة

ننتظر جديدك عزيزي
وتحياتي لك


مرورك الرائع والشفاف شرف لي
شكرا لحسن كلماتك الرائعه امام
كلماتي المتواضعه لكي مني كل الود والاحترام