ياغـــــــريب اشلون تبجي ابغربتك


يا غريب ابغربتك هـــــــــم الك بيت


اوهــــــــــــم الك ام التنشف دمعتك


وتمسح ادمـــــــــوعك أذا انته بجيت


اوهم الك خـــــــــوان توفي الخوتك


وتوكف اتعـــــــــــدلك أذا أنته حنيت


اوهم لكيت ابغــــــــــربتك مثل الأهل


اوهم مثل ديــــــــرت هلك كلي لكيت


اوهم تحس ابلذت انـــــــــــواع الأكل


لو مثل أكل الحنينه مـــــــــــــــا كليت


عفت أهلك أدري مــــــــن أجل العمل


وادري مـــــن أجل الاهل انته غربيت


والله صعبه وصعب حيل ادري الفراق


اوصعب تترك بيتك الي بــــــــي ربيت


واعـــرف المتغرب ايعته اشتيـــــــاق


وانته متغرب اسنين اومـــــــــا أجيت


ارجــــــع الأرضك أرض اجمل عراق


أنته مـــــن غير العراق ادري انتهيت


منقول

اوهم لكيت ابغــــــــــربتك مثل الأهل



اوهم مثل ديــــــــرت هلك كلي لكيت

ارجــــــع الأرضك أرض اجمل عراق

أنته مـــــن غير العراق ادري انتهيت


الله كلمات تدمي القلب بوركتي اختاه لهذه القصيدة الاكثر من رائعة
تقبلي تحياتي وتقديري ايتها العراقية الاصيلة

مشكور اخي على مرورك الرائع تحياتي لك

تسلمين على الكلمات الرائعة

اشكرج حبيبتي على كلامج الحلو تحياتي الج

لا والله مالكيت مثل اهلي وبلدي العزيز شكرا لك اخي هيجت المشاعر فينا