يالبلگلب مشتول
وبروحي مزروع
افراشك النبضات
وغطاك الظلوع
==============
ياجوري يانعناع
يانبع صافي
لاخر نفس بالروح
ليك ابقه وافي
==============
غير الوفه يهواي
ماعندي غاية
وآنه اعله عهدي اوياك
حد النهاية
==============
كون الفرح ينباع
واشريلك العيد
يالشوفتك عيدين
عيد احله من عيد
==============
أسأل أضل اعليك
حد گطع الانفاس
غالي وتضل بالروح
تاج انته عالراس
==============
تبقه انته تاج الراس
تبقه انته راقي
يالريحتك بغداد
واسمك عراقي
==============
كون الحبيب ايصير
بالحمزة دنگة
وبحجة الزوار
كل ساعة اشبگة
==============
صح البشر حلوين
بس الك ميزة
تدخل گلب تهريب
وبليه فيزة
==============
أتمنه هالطلاب
كلهم ينجحون
چيفن حبيب الروح
ويه اليدرسون
==============
گتلك تفضل فوت
كل قصدي للبيت
رأسا دفعت الباب
وبگلبي طبيت
==============
تمثال الك بالعين
شايلته الجفون
نافورة منه وبيه
دمعات العيون
==============
من غبتوا ولهاليوم
أحلامي بيكم
وصدگوا مثل هوار
أبچي عليكم
==============
ظلمة ودرب عاثور
والدنيه تمطر
لغيرك فلا تانيت
بس الك أنطر
==============
طيفك نبض بالعين
كل ليلة ضيفي
بعيونك الحلوات
هم يمر طيفي
==============
أهلا وسهلا بيك
صارت قديمة
أفرشلك العينين
والگلب خيمة
==============
اشما تگول الناس
عندي انته الاول
سو كلشي بالدلال
ياحلو مخول
==============
دم الگلب بجفاك
فاض من العيون
مو حب طبيعي اهواك
بيك آنه مجنون
==============
أنشد عليك الروح
مدري اشتگلي
مدري انته نص الروح
مدري انته كلي
==============
لاتظن يوم انساك
لو يوم اعوفك
صدگني ابيع الروح
بس كون اشوفك
==============

لاتظن يوم انساك
لو يوم اعوفك
صدگني ابيع الروح
بس كون اشوفك

الله ..دارمياتــ رووووعه

شكرا لك يا مبدع

خالصـ وديـ

دم الگلب بجفاك
فاض من العيون
مو حب طبيعي اهواك
بيك آنه مجنون


الله باقة رائعة من الدارمي عاشت ايدك اخويه العزيز

تقبل تحياتي وتقديري ...

ننتظر منك المزيد

باقه منوعه من الدارميات
الروعه
عاشت ايدك يالشايب
تحياتي لك

==============
لاتظن يوم انساك
لو يوم اعوفك
صدگني ابيع الروح
بس كون اشوفك
==============
باقة رائعة من الدارميات
شكرا لك ودام لنا عطاؤك عزيزي
ولاحرمنا اطلالتك المشرقة
تحياتي لك

السلام عليكم ورحمة الله وبركاته
شكرا ع المروررررررر ... لكم مني أجمل تحية .