يا صدر ألقصيده



اخذ مني حبيبي شما تريد انطيك

بس كلمه احبك رايد اسمعه

بصوتك گوله لا تخجل من العين

إذا عيني التخجلك بيدي اقلعه

گول أشما ردت خليني وسط العين

أو خل روحي ألحزينة بيك أمتعه

دمعه انت بعيوني وصعبه من أتطيح

وذا طاحت حبيبي شلون أرجعه

بصدري انه أضمك وأنته عني بعيد

يا صدر ألقصيده وأنت مطلعه

يا نجمه حياتي ونورت هالكون

أو لو ضاقت دنيتي بيك أوسعه

اخذ أشما تريد انطيك حتى الروح

دخل روحي ويه روحك يله نجمعه

يا حلمي ويقظتي وكلشي لي بالكون

ويا ظلي وخيالي وبرجي طالعه

يا مصدر أفكاري ومنبع الأشعار

يا وحده قصيده وأنته موضعه

يا وزن الشعر والشعر بيك احتار

ووزان البحور وانته مجمعه

يافعل فعولن وأنت لي موصوف

ألوع الروح لجلك والله الوعه



سلام الدراجي

قصيده حلو وجميله
عاشت ايدك الحلوه

اخذ مني حبيبي شما تريد انطيك
بس كلمه احبك رايد اسمعه
بصوتك گوله لا تخجل من العين
إذا عيني التخجلك بيدي اقلعه
گول أشما ردت خليني وسط العين
أو خل روحي ألحزينة بيك أمتعه




عاشت ايدك اخويه العزيز سلام الدراجي قصيدة رائعة كلك ابداع

تقبل تحياتي وتقديري

يا صدر ألقصيده وأنت مطلعه
يا نجمه حياتي ونورت هالكون
أو لو ضاقت دنيتي بيك أوسعه

ابو حيدر صح لسانك وعاشت ايدك عزيزي
قصيدة راائعة باحساس رائع
وهذا ماتعودناه من فنان يرسم بكلماته
احلى اللوحات
دمت لنا ودام نبضك الحي
تحياتي وودي

بسم الله الرحمن الرحيم 0
الاخ الرائع ابو حيدر الغالي000
تابع وانا لك بالاثر00
قصيده رائعه جدا اني اغبطك من كل قلبي00
لك محبتي
صكر

وعاشت ايدك اخويه سمير شكرا للمرور الرائع تحيه لك

عراقي انا مرورك اسعدني شكرا لك اخي العزيز

اخذ أشما تريد انطيك حتى الروح
دخل روحي ويه روحك يله نجمعه



اتمنالكم التوفيق والابداع دائما
تقبلو مروري

وصح السانچ ام فيصل رائعه وتبقين سيده المنتدى مع احترامي وتقديري لجهدك الرائع في اداره المنتدى شكرا لك

ابو علي تحيه لك من القلب والف شكر لمرورك الكريم
وينك مشتاقين

الشايب السلام عليكم مرورك تاج عل الراس تحيه لك من الاعماق والف شكر بارك الله بك

قصيده خطت بحساس عالي وسباكه جميله
وحدة الموضوع رائعه بروعه احساسك الجميل
تقبل مروري الهزيل امام صرح كلماتك الرائعه
ولك محبتي اخ سلام

الاخ ساهر الماني ردك اجمل من القصيده تحيه لك اخي العزيز