المساعد الشخصي الرقمي

مشاهدة النسخة كاملة : أبو ذيات عراقية


عاشق عيونك
02-03-2009, 12:23 AM
أبوذيات



نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية


على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه


قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية


باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه


حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية


الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه


انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه


يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه





منقوول
عاشق عيونك
02-03-2009, 12:30 AM
اسف والله 3 نسخ نزلن .النت خربط يمي وما اعرف شلون هيج اعتذر للجميع


تحياتي
محمد السوداني
02-03-2009, 02:36 AM
انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه


روعة عاشت ايدك اخويه العزيز عاشق
شكري وامتناني

تحياتي
عاشق عيونك
02-03-2009, 11:37 AM
مشكور ابو جاسم حبيبي
شكرايلغالي ع المرور العطر


تحياتي
عاشق عيونك
02-03-2009, 05:45 PM
وايدك ملكة الاحساس منورة
شكرا ع المرور العطر


تحياتي
اسدالعراقي
07-03-2009, 01:27 PM
شكرا اخي العزيز عاشق عيونك الورد
على الابوذيات المميزة
اختيار رائع وجميل عاشت ايدك
وتحياتي
http://up.foraten.net/uploads/64d7738e18.gif (http://up.foraten.net)
ام فيصل
07-03-2009, 05:40 PM
يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

باقة ابوذيات رائعة
سلمت اليد التي خطت ونقلت والذوق الذي اختار
دام لنا عطاؤك ياعاشق
عاشق عيونك
07-03-2009, 05:43 PM
ابو شهد الغالي منور الصفحة حبيبي
شكرل لمرورك العطر


تحياتي
عاشق عيونك
07-03-2009, 05:46 PM
ام فيصل عاشت ايامك شكرا لمرورك العطر


تحياتي
العاشقة الحنونة
08-03-2009, 04:59 PM
ابوذيات روووووووووعة تسلم
عاشق عيونك
08-03-2009, 05:15 PM
انتي الاروع شكرا عاشقة ع المرور العطر



تحياتي
رشا
13-04-2009, 03:39 PM
http://www3.0zz0.com/2009/03/11/17/369568679.jpg