بسم الله الرحمن الرحيم






ثان اثنين اذ هما في الغار اذ يقول لصاحبه لا تحزن ان الله معنا






صدق الله العظيم








لا تحزن










لا تحزن فأن الله.......معـ بغداد







ونهر دجله ورانه ومستعد جرفه









قريش الاحتلال اي ضدنه مصطفين







بس ويانه جند الله مصطفّه









سنه وشيعه احنه ثنينه بهالغار







وعلينه الكفر والاحزاب ملتفه









لا تحزن فأن الله وي لثنين







سنه وشيعه تفرج والوضع يصفه









ارادوا ليطفئوا نور الله بالافواه







ونور الله في بغداد ما يطفه









لأن محنه الي مرت بالرسول هناك







مرت هسه بينه وفرق بالكفه









فرق ان المدينه استقبلت لضيوف







بس رفضتنه هسه ويا الف وسفه









لا تحزن لأن عدنه مدينه هنا







وبالثوره تصير لهالوطن زفه









شرط كل الشعب يطلع بالاستقبال







وكل واحد يكول ويضرب بدفه









طلع البدر علينا* وشرقت شمس العراق







ابشري بغداد خيرا* دم شعبي لن يراق









ونسد باب الوطن ميطب غريب نريد







لان ما غير ولده الوكفوا نزفه









كتله نريد منك بس دعاء ارجوك







دعه.. لكن طلب بغداد ما تشفه









حرك بيتي ونخلتي وحرك حته اطفال







ومن كتله السبب جاوبني اتدفه









اذن موقف نريد وكلنه وبفد صوت







لا خوفا بعد ما داعي نتخفه









لا خوفا بعد ليش وعليش الخوف







وخذ مني الكلام الضاهر ابعمقه









الورقه الرابحه جانت بديك نخاف







هسه نخاف ليش احتركت الورقه









من خلف الحدود وجيتنه بلا دين







وبسم الدين تذبح دين من عنقه









ولسانك سلس من تحجي بالاسلام







وقناع مفصليله بمعمل الرقه









لا خوفا بعد يل عالوطن تجار







ابشركم خسرتوا وخسرت الصفقه









وذا دكة نذاله تدكهه بينه اليوم







نفس اليوم ارد الدقه بالدقه








واكلك لا تأمن وافهم المقصود

الحك لأن طب ابيتك السقه

للشاعر foraten.net/?foraten.net/?foraten.net/?foraten.net/? هندي

الله الله الله عليك يافارس الكلمات
قصيدة رائعة بمشاعر وطنية صادقة
احسنت وصح لسانك يبو حيدر
لابد يصفه العراق وترد كل الطيور
ولابد يعود الفرح لعد شعبه الصبور

دام لنا هذا الحس الوطني والمشاعر الصادقة
وتحياتي لك عزيزي

قصيدة رائعة
تسلم وعاشت ايدك
استاذ ابو حيدر
تقبل مروري
تحياتي

مرورك هو الاجمل والاروع من القصيده ياام فيصل بارك الله بك اختي العزيزه

ملكه الاحساس ردك يسعدني كثيرا
ولقبك هو الاجمل تحيه لك من كل قلبي

لله درك ياعم

امتعت نواضرنا بنقلك الرائع
واجدت بذوقك الممتع

تحياتي لك ولما اجاد به

الشاعر الهنـــــــــ foraten.net/?foraten.net/?foraten.net/?foraten.net/? ــــــدي

اشكرك ابنتي وفاء لردك الرائع حفظك الله من كل مكروه

اتمنالكم التوفيق والابداع دائما
تقبلو مروري

مي ياشايب كلك شباب ما شاء الله شكرا للمرور الكريم اخي العزيز