من امس واليوم
مدري شجايهه الروح
تكول وياك
وانت بعيد عني !
ومن امس واليوم
محمل ليلي غيوم
ومن تمطر فرح بعيد عني !
اسأله يكول غيري اشكال بالكون
وبس طورك عجبني من تغني !
وانه والشعر مو صحبة اليوم
واظن كل القصايد
يعرفني
يسمعني واسمع منهن اشكال
فرح ماجاي منهن
عذبني !
واظل انه احبهن والهن اشتاك
واكول بيوم بلكن يشتهني !
اعرفتهن وعيني بعينهن فيض
بس هّن الدنكن
شو معرفني !
من امس واليوم صوت ابالي مجنون
ومن مطرن شعر شو مابللني !
ومن امس واليوم ضايع والدرب موت
وانه همومي بثكلهن مالوني !
بس طخيت وطاحن من الدموع
من حسيت جلماتك فاركني !
صح هموم بيه
وبالي مشغول
بس كل ذني لظن غيرني !
اكف انه اعله طولي واحجي اليصير
وميهمني الغلبته والغلبني !
من امس واليوم
وسهمه يبات بحشاي
ويسألوني واكولن
طايش وصاب
لاسهمه حبيبي
ولاضربني !
وامد ايدي اعله جرحي بدون احاه
والتذ بيه جيه هو لجمني !!!


تحيات ماجد الشاعر
25/2/2009

ولي الشرف ان ارد عليك مبارك عليك القصيده الرائعه ماجد وتحيه من القلب لاحساسك الرائع وكلماتك الجميله

صح هموم بيه
وبالي مشغول
بس كل ذني لظن غيرني !
اكف انه اعله طولي واحجي اليصير
وميهمني الغلبته والغلبني !

يسعدني ان اكون ثاني من يرد عليك يا شاعرنة الوردة


عاشت ايدك وحياك الله

تحياتي

الحب عطاء ولهذا العطاء قدسية خاصة لايعرفها الا من يكتسبها بصدق
وقد رأيت عطاء حبك هنا رافدا لن ينقطع
دام لنا هذا النبض الجميل ونفحات ذلك الإحساس
احسنت ياماجد --- رغم مابها من الم كان تغرق بالحب

تحياتي لك

ولايسعدني ان اكون ثالثا لكنهم سبقوني اليك عاشت الايادي التي سطرت احلى الكلام انت ماجد بكل ماتقول

قصيدة جميلة جداا
كلمات رائعة
تحياتي لك
تقبل مروري

كلمات جميلة عاشت ايدج
اختي العزيزة احلام في الانتضار
تقبلي مروري
تحياتي

من امس واليوم صوت ابالي مجنون
ومن مطرن شعر شو مابللني !
ومن امس واليوم ضايع والدرب موت
وانه همومي بثكلهن مالوني !
بس طخيت وطاحن من الدموع
من حسيت جلماتك فاركني !
صح هموم بيه
دام لنا هذا الاحساس والنبض الجميل قصيده جدا رائعه
لك تحياتي يامبدع

شكرا اخي الزير روماني وسعيد بك دائما منورنا

شكرا رنا العراقيه لمرورك الكريم
ويسعدني جدا مرورك
تحياتي

شكرا ام فيصل فوجودك عطاء دائم
وكلماتك شعرا
ولتواجدك خصوصيه يشعر بها
الجميع

حبيبي ابو امير يسعدني وجودك ومرورك الكريم
تحيااتي لك

حبيبي مغترب اوسلو شكرا نورت بمرورك
لك تحياتي

شكرا ملكة الاحساس لمرورك
وسعيد به جدا
يالله ماكو فرق بيني واحلام بالانتضار
ان شاءالله كلنه واحد
تحياتي

حبيبي هاشم جميل تواجدك
ويسعدني مرورك دائما
وقمة سعادتي هو اعجابكم بما اكتب لعيونكم
تحياتي

مع تحياتي


الاخ العزيز ماجد قصيدة رائعة جدا وقد قرأتها اكثر من مرة ولم اُشبع منها بعد
فهي متجددة المعاني في كل قراءة

صح السانك وعاشت ايدك شاعرنا المحترم

لك الكثير من الحب والاحترام

من امس واليوم
وسهمه يبات بحشاي
ويسألوني واكولن
طايش وصاب
لاسهمه حبيبي
ولاضربني !
وامد ايدي اعله جرحي بدون احاه
والتذ بيه جيه هو لجمني !!!

الله ..بصراحه كلماتــ عجز لساني عن وصفها

صح لسانكــ ودام لنا قلمك الرائع

مودتيـ

كرا اخي محمد السوداني
وسعيد جدا بمرورك الجميل
وكلمتك التي اعتز بها
ولك مني كل الوّد

محتاره
شكرا لمرورك الجميل
ولتواجدك المميز
وكلمتك الغاليه
لك تحياتي