يحلوه الزعل طول صاحبينه
وبهجرج عضم ماضل صاحي بينه
جنتي ويانه انتي وصحه بينه
زعلتي وزعلت الدنيه عليه


احد سچين صبري وچن ولا أحد
التفت وماشفت ربعـي ولا حد
چم سبت اليمر بيــة والأحد
اچي بس شوفتك تصعب علية



احبابي من يصل حيكم من يمركم
ابلهيبب اكليبي صاير من يمركم
جنت رابي ابحلوكم من يمركم
صرت شمعه وتذوب النار بيه


عجب للحين شخصك مايلينه
وعجب وني لكلبك مايلينه
زرع احنه نريدك مايلينه
تحن وخلي بحرك يهد ميه



عفت دنياي والبيهاوشرها
بعد ما اريد عطوتها وشرها
هدومي من الدمع تغرك وشرها
الشمس غابت وهي ظلت ندية


احب صوتك واحب للعود دكات
وزماني شلون اله وياي دكات
وخلص كلبي وماظل بعد بيه دكات
وترد روحي من يمر اسمك عليه


وحك البالمهد ربَّه .. وحاله
الدنيا وياي للهامة .. وحالة
صديجي عَلَيْ هَدْ جلبه .. وحلَّه
الجلب رد وصديجي انهد عليَّ


انا المجروح من كلبي وخلي
جيب الملح لجروحي وخلي
راح افتح قفل كلبي وخلي
اخلي الما بجى يبجي علية


وحك صفين والخندق..وحطين
لملش الراس بغيابك.وحط طين
أطيرمن الفرح صدك..وحطن
أذابلحلم ليله تمرعليه.

طفيلي وادري بيك تموت بالفور
وبس مني التريده يصير بالفور
يهودي ومن تواعد وعد بلفور
توصل للصدك تكلب عليه


سهام الولع صابني وفاتن
لان ولفي الاحبه اسمر وفاتن
يهجرك سبب الروحي وفاتين
السمع والشوف سكتهن سويه

ادك بهاون الحلوات ياهيل
اخاف ابجي وتكلي الناس ياهل
انا صرت عصفور جني بيد ياهل
هو اليضحك وانا النيران بيه

احد سچين صبري وچن ولا أحد
التفت وماشفت ربعـي ولا حد
چم سبت اليمر بيــة والأحد
اچي بس شوفتك تصعب علية


احسنت عزيزتي خطيرة
باقة جميلة من الأبوذيات
شكرا لهذا الذوق في الإختيار
ولاحرمنا عطاؤك -- تحياتي وودي

شكرا للباقه الملونه الرائعه من الابوذيات
صدك ترد الروح
تحيااتي

ماجد .. ام فيصل

شكرا الكم عَ المرور .. منوريين

يحلوه الزعل طول صاحبينه
وبهجرج عضم ماضل صاحي بينه
جنتي ويانه انتي وصحه بينه
زعلتي وزعلت الدنيه عليه


ابوذيات اكثر من رائعة عاشت ايدج يلغالية
الف شكر اخت خطيره
تحياتي وشكري الجزيل

شكرا لمروركــ اخي العزيز

منور