شلونک یبعد الروح والناس کلهه


روحی شتهت ملگاک حایر شگلهه
***
یلتسئل عل الحال اسمع لگلک


حال الیتیم تهون عن حال خلک
***
شنهو الذی ماذیک یابعد روحی


لتگلی مامرتاح تزود جروحی
***
وشلون اگلک زین وکاتلنی فرگاک


عگبک الحال البی مایعجب عداک
***
سولف وگول شبیک وهمک احمله


لو چان والله جبال چاشلته کله
***
تاذینی کلهه الناس یدرونی احبک


وکل هاذه مهتمیت بس کاتلنی بعدک
***
صبری یبعد چلای ویابعد ناسی


اقبل حچی الگلتی وکله عله راسی
***
چایمته گلی تعود وتسکن الهم


تدری عله فرگاک عیونی جرت دم
***
الله کریم تهون وجای انه یمچ


وغصبن عله الیحچون بگلبی ارد اضمچ
***
اهلا وسهلا بیک یامای العیون


نلتقی انه ویاک وکل الیحبون
***
انشالله نلتقی وبحضنی اضمچ


وانعل ابو الیحچون منی ومنچ
***
یریحت گلبی هوای بهای الچلمتین


لفرشلک الدلال وسحگ عله العین
***
الله یدیم الحب ویخلی الاحباب


هاذه شعار نرید یندگ بکل باب
***
الحب یطیب الروح ویصفی الگلوب


ربی لتحرم حب من گلب محبوب



م& ن


مودــــــــــــــــــــــــــــتي

الله یدیم الحب ویخلی الاحباب


هاذه شعار نرید یندگ بکل باب



عاشت ايدك عزيزي
اختيار جميل ودارميات حلوة
دام لنا عطاؤك ولا حرمنا مدادك

تحياتي لك يامحمد

شكرا شكرا
اخي محمد لهذه الباقه الجميله
من الدارميات
لك ودي

احسنت وصح السانك ابوجاسم الورده
تقبل مروري

احسنت وصح لسانك اخي ابو جاسم
لك تحياتي

الف شكر للمرور الرائع للاخوة والاخوات الاعزاء

تحياتي لكم احبتي وشكري الجزيل لتواجدك الاكثر من رائع

مودـــــــــــــــــــــــــــــــــــــــتي

منور ابو جاسم موضوع رائع



تحياتي

النور نورك اخوية العزيز عاشق

تحياتي الك حبي ..شكرا للمرور الرائع منور