مني تزعل؟؟
ليش؟؟
وشلون كلبك طاوعك ؟
وشلون عينك بطلت ؟ متصد عليّ
واني لوكلشي بيديه
واني لو كلبي بايديه
جان ماصارالتشوفه
هسه بيه
وشرد اسولفلك حبيبي
وانت انت تكلي سولف
واني ادري من اسولف
راح اموت !
وانت ماترضاهه حبيبي
ومن كثر مابيك اسولف
راح اموت !
واني طماع وحياتك وكون
من رايد تسولف بس الي اتمنه
تسولف !!
وماريد الناس تسمع !
تدري ليش ؟؟
من اليسمع بحجيك اغار !
ومدريّ ليش ؟
وشبيه اني وليش اغار؟
جيه اشوفك شمس تفضح عيون النهار
وعمر وكضيته خيبه
وبعيونك بس ضكت طعم الانتصار
مني تزعل ؟؟؟
ولون كل الحجي ينكال
جان احجيت كلشي
وجا نمت ليلي الطويل
الكله اه ..
وجاعرفت اشايل كليبي سوالف
كلهه بسمك
وجا شفت وين يبات رسمك
بين رموش عيني من تدوّر
تلكه رسمك
ومني تزعل ؟؟؟
ولون كلشي يسولف حبيبي جا حجيت
وريحت روحي الحزينه
وريحتك ؟؟
ولا لا لتزعل ...
بيوم تزعل انسه روحي
ودرب الي بالي يضيع
وارجع وصوتك قصيده
اطش وجعهه اعله الجميع
ولا لا لتزعل ...

تحيات ماجد الشاعر
14/2/2009

كيف يزعل..؟؟؟؟
وانا ارى سحر غريب وجاذبيه وعشق عميق
يتغلغل في اعماقك...
اتحفتنا من قيثارات المجد هنا
لكي نستمع بهذه الدرر
لكي يغمرنا الشوق
لك انحني خجلا
تقبل هرجي هذا
وانا اعلم لم يوفي حقك هذا الكلام
وان شاء الله ما يزعل حبيبك
لك تحياتي

وآنه رايي من راي اخي العزيز هاشم
كيف يزعل - وشلون يزعل -- وليش يزعل ؟؟؟
عاشت ايدك ياماجد ياصحب المشاعر الجميلة والصادقة
احسنت بكل حرف سطرته ياصانع الكلمات
ومثل ماكال هاشم -- انشالله مايزعل ههههههههههههه - يجوز يدلل عليك
تحياتي

حبيبي الغالي هاشم
شكرا لك ولمرورك الرائع
وكلماتك العذبه
وسلمت لي
ان شاءالله
مايزعل
ههههههههههه
تحياتي

سلمتي سيدتي ام فيصل
لوجودك دائما طعمه الخاص
وشكرا لك وان شارالله
يدلل // تحياتي

حبيبي علي سالم شكرا لمرورك ونورت

حبي ماجد واذا يزعل ايروحلك فدوه هو بحاجه الك لانك انت الورد وريحتك عنبر اشمه وراح ابلش وانه اكتبلك شعر ؟؟تحياتيالك قصيده رائعه

سلمت اخي العزيز
على روعة ماخطه قلمك الجميل
حييت على هذا الابداع فــ ليس بجديد عليك
دمت ودام نزف قلمك
لك ودي واحترامي
تحياتي

شكرا لك محتاره ولذوقج الجميل وتحياتي لك
نورتي الموضوع