عليك الروح تنشد ما تمرهه
وامرهه مو بديهه ومات امرهه
وعليك اليوم نعقد مؤتمرهه
وتحدد جدوله بموعد الجيه

صرتو انتم سوالفنا وحجينا
وعليك بخير صدكني حجينا
حبيبي ارجوك جاوبنة حاجينا
من تزعل تضيج الروح بية

ياترف لو نفترض ربك محلاك
هم يجي واحد وياخذ محـلاك
عكدتك بلكلب عكده محــلاك
الا وي الكلب تطلع سويــه

اريدالياس منك ياسه ياسه
وهذا الكلب صدك ياسه ياسه
تريد تحجي بسياسه ياسياسه
سايستك كبل دكيت بيه

عاشت ايدك اخويه العزيز
ابوذيات اكثر من رائعه
ننتظر المزيد من التالق والابداع
تقبل تحياتي
ودمت بحفظ الباري

شكرا لك اخي ع الابوذيات الروعة
تحياتي لكَ... تقبل مروري ~ !

ابو ذيات روعه
عاشت ايدك على الاختيار
تقبل مروري وتحياتي