تعال ..
وشوفني بياحال
بغيابك صرت ضايع
اشوف الناس كلهه انت !
عيوني بعينهه تباوع
واكولن هذا مر منا
واردن وانشد الشارع !
حبيبي ما أجه منا ؟
روحي بغيبته تنازع !
وبجه الشارع !
ودمعته اعله الرصيف اتطيح
وجاوبني واسمعه يكول
حبيبك من زمن ضايع
انت المن الصدك شاريه
لكنه طلع بايع !
واحس بروحي كالمجنون
وعلي الوادم تباوع !
وارد اردود للشارع
واحلفه بكل عزيز اعليه
وانشده ودمعتي اسافر
خطوته ما اجت منا ؟
ما جابه البخت لهنا ؟
جفانه وما سأل عنه
وياكلنه العطش والاه
وكطرة ماي امس ردناه !
ورجعت ودمعتي اسولف
ايس ماجد تكلي
الدار الوجه غفله وراح
لاتتناه !



تحيات ماجد الشاعر
7/2/2009

العشق فن نرسمه بمشاعرنا
والمشاعر حينما تتدفق تصب في قالب الجمال
وهنا رايت شجون -- وعواطف -- وشوق
رسمتها باحاسيس صادقة -- متألمة
تبحث من خلالها عمن يطفئ تلك الأحاسيس المتأججة

مبــدع بكل حروفك يــــــاماجد

حياك ماجد قصيده رائعه مبدع في كل كتاباتك عاشت ايدك حبيبي الغالي

تحياتي سيدتي الغاليه
وشكرا لمرورك الرائع
والمميز دائما لك مني الود
ودعواتي لك بالصحه ..

اخي الزير روماني العزيز دائما تنور متصفحي تحياتي لك وحبي

يسلموووووووووووووووو يا غالي

قصيده رائعه
عاشت ايدك يامبدع
تحياتي لك

الله كم قصيده رائعه يا ايها الشاعر ابدعت بكلماتك الجميله تمنياتي الك بالتوفيق

شكرا بمبوني ولك تحياتي
والغالي وجودك المميز
والجميل / تحيااااتي

حبيبي هاشم الغالي سعيد دائما
بمرورك الجميل وذائقتك المميزه
تحياتي

مرااااام
سعيد بمرورك الجميل
والمميز
تحياتي