الله يساعدنه عالحزن ولك قلبنا من المر والصبر صاير حديد




انت شايف نبتة تعيش بلا ماي ولك عشنه وما شفن غير الوعيد




نريد نرجع ونعيد بحضن بغداد وننسه الي راح ونشوف جديد




جنه مزروعين بارضك يا وطن وهسه نشلعنا ونزرعنا عنك بعيد




احنه الي نعشق كل تراب العراق وبنهر دجله احلى المحبه نصيد



شلون كلي اكدر انساك يلي انت ساكن بروحي وبوسط هذا الوريد




من اعلى جبل بالكون ارسلك كل امنياتي وانشدلك احلى النشيد




امد ايدي واعايد وايدي مليانه دموع على فراك الاهل وفراك المجيد




تهون يا وطن وما تضل هيج وترجع تشوف اهلك ملتمه من جديد




دكتور بيه جرح ولليوم ابد ما هاد ... كل ما اشده عدل رد وصرخ بغداد

الله الله ياداوود
قصيدة شوق وعتاب وحنين
عاشت ايدك عزيزي - مفردات جميلة بس ينقصه الوزن

وعموما مشاركة رائعة تحياتي لك

قصيده جميله
وان شاء الله يرجع العراق
وبغداد الى الايام الجميله والصيد
في شواطيء دجلة الخير
تحياتي لك