ورمشاك.......
وحق كلبك وعينك ورمشاك
اضل طول العمر امشي وره مشاك
عليل ومرضي ورم شاك
تطيب جروحي من تمد ايدك عليه



بيه.....
افرح لو شفت وجهك وسر بي
وحبك ثابت بكلبي وسر بيه
شما طال الدرب امشي وسر بي
ابعث الروح لعيونك هديه




ياسر......
بعسر حالي ابد ما اكول ياسر
وعلى اسراري اكلك بعد ياسر
اذا عمار يمه انكتل ياسر
انكلب حمزه وتعال الحك عليه


تراني.....
نحيل الجسم من بعدك تراني
واريك يوم بعيونك تراني
افكر بيك كل ساعه تراني
افكر بيك والبعد يصعد عليه



ودكلك.....
الك ما نبض كلبي ودكلك
واطحن بالحجي ناعم وادكلك
بيوم السافرت كمت ابجي ودكلك
جيتك بنص الليل يم بابك ودكلك
دكلي شوكت اتحن عليه



وياج......
هسه انه امنت بالشوك وياج
واحذرج من كلام الناس وياج
بكثر ما وج دليلي العذل وياج
وتعالي انعيد عشرتنه سويه

:66 (6)::66 (6)::66 (6):

عاشت ايدج على هاي الابوذيات

شكرا عزيزتي ابوذيات رووووووووووووووووعة.

عاشت ايدج عزيزتي
ابوذيات جميلة واختيار مميز
شكرا لك - وبانتظار المزيد
تحياتي لك

بجد روعه الابوذيات

يعطيكي الف عافيه خطووره

ناطرين جديدكـ

عاشت أيدج خيتي

أبوذيات كلش حلو

تقبلي تحياتي

شكرا لمروركــم حبايبي منوريييين