عفا كلبي شكثر بالدهر مر ضاك
ومنو مثلي تعذب لجل مرضاك
ياويلي لو سمعت بيوم مرضاك
تمنيت المرض يندار بيه

كلب صافي لون قهوه كلبنه
وابد مايوم عالصاحب كلبنه
احنه ضلوع الك وانته كلبنه
ونحافظ عالكلب من كل اذيه

اظن الكلب عنكم ما تخله
ولون ينسه هواكم ما تخله
خليلي انت وعداكم ما تخله
لان حبكم فرض غصبن عليه

عليك بكل دقيقه الكلب يومي
بجيت وصار عندي الحزن يومي
كبل يومك نخيت يكون يومي
ولا شوفك بعيد انته عليه

تحياتي وسلامي:66 (46)::66 (46)::66 (46):

مرام

يسعدني اكون اول المارين على متصفحك الرائع
في صباح ممطر جميل000
ابوذيات في منتهى الروعه 000
لاتقطعي اهطلي كما السماء تملاء الارض بعبق المطر00
00000000000000000000000000000000000000000000000

وفي والشوك طشرني ولمني

داء الهجر تعبني 0000ولمني

انه حاضر تعال اعتب ولمني

دمع عيني يسولفلك اشبيه
00000000000000000000000000
ارجو ان تجمعي حروف اول كل بيت
ماذا سيظهر0000
محبتي
صكر

ابيات ابوذيه رائعه
عاشت ايدك
تقبل تحياتي ومروري

انا فرحه بمرورك واشكرك على ردك يا الصكر بهذه الابيات الجميله من الابوذيه_روعه_واما حروفك ظهرت هي _وداد _شكرا الك ايها الصديق العزيز وما احلى صباحك الممطر الجميل

شكرا ايها الاخ العزيز هاشم ولمرورك