قصيدة غــــــــدر البنات


غدارات كلهن لاتظن وياك ,,,اريد احجي حقيقة وبالصريـــــــــــــــــح اعلن

صحبتهن وكت ماطال يوم وياي ,,,لان كلي صراحه ومااجاملـــــــــــــــــهن

أطباعي الوفه والورع والوجدان ,,, واطباع البنات الذيب يعرفهــــــــــــــــــن

خلصت العمر بس احسب اللجمات ,,, مجروح الكلب كل نزفه من عدهن

كل حبهن جذب والمايجذب عيب ,,,واذا ماجذبت صدكني تخســــــــرهن

ولهذ السبب جذاب ابن جذاب ,,,سمني البنات وهذا من حقــــــــــــــهن

بس آنه اعترض سميتني التمساح ,,, لان آنه جبل وسيولي بجيتـــــهن

ولو دمع البنات دموع من تمساح ,,, شما زاد الدمع تزيد عضتــــــــــــهن

ولاكول الغدر بس للبنات بهاي ,,, لان عدنه ولد هواي خانتـــــــــــــــــهن

ولاكولن شلع كل البنات تخون ,,, لان بيهن بنات الذهب معدنـــــــــــهن

شاعر وارتجل مااكتب المحفوظ ,,,, ولا عندي كتاب ومنه انقلــــــــــــهن

واذا هم شككت راسلني حار بحار ,,, وتشوف القلم شلون يكتبـــــهن

وسلامي للعيون الشافت الابيات ,,, وبعطر الورد هذا آنه أرســـــــــلهن



الشــــــــاعر
علي الجبــــــــــوري

جميل ماخترتي عزيزتي بمبوني

وشكرا لك على هذا النقل الموفق

بانتظار جديدك عزيزتي -- وتقبلي تحياتي

ماهذه القساوة
اصابع اليد غير متساويه
قصيده جميله وتحياتي
لك

اهلابيك بمبوني وهاي مشاركتك الاولى
بهذا الابداع ننتظر مزيدك..
وعله كيفج وي البنات
هههههههه