مجموعة من الابوذيات


الزمن وياي مايخلص حديثه
طعني وشوف طعناته حديثه
اريد انشد اهل راوه وحديثه
واشوفهم زماني شعمل بيه




يدهري ليش باحزانك تواليت
وعلي مثل الاغم وليه تواليت
كبل تسريحتي جانت تواليت
وهسه اكرع ولا شعرايه بيه




عليك القيت حجة والقيامة
يا ما براسك احجي والقيامة
تدري الحشر يمتة والقيامة
القيامة والحشر من تزعل عليه




سيف الدهر خلاني بلادين
وابعدني عن اهلي بلادين
صبحت مطلوب للعالم بلادين
وحتى الردي يهز يده علية


يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه




صرت دم المشه بداخل وريدك...
ومثل متريد مشيني وريدك...
فراكك حيل مرمرني وريدك...
على جروحي تدوس بلا خطيه




حبيب الروح عني البال ماظال
دربة بعمري ابد فد يوم ماظال
اريد ابجي ودمع بالعين ماظال
بجيت عيوني من غصبا عليه





مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه


سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه



عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه



عليك الدمع يجري تكول شلال
عكبك يالجنت لجروحي شلال
اذا رايد تجيني لسوك شلال
بشارع عدن بس اسال عليه


الناس الي تدور كلها.. دوري
مثل دوري النخبه ماكو دوري
كالو لشمس عالوطن ....دوري
ونوري دروب ذول اهل الحميه



وحشه الدنيه ما تسوه بلاياك
واحبك حتى لو كثرن بلاياك
شلون الدومنه العبها بلايك
وانه الدوشيش ميت بين اديه





ان شاء الله تنال اعجابكم

منقول

الله الله الله

عاشت ايدك عزيزي العاشك

ابوذات رائعة --- سلم لنا هذا الحس والإختيار المييز

لك تحياتي وودي ياالزير سالم

والله اليوم ذابه على الابوذيات

وان شاء الله تنال اعجابكم

شكرا للمرور ياام فيصل الورده


مع تحياتي

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه




صرت دم المشه بداخل وريدك...
ومثل متريد مشيني وريدك...
فراكك حيل مرمرني وريدك...
على جروحي تدوس بلا خطيه


الله الله
رائعة يسلموا اخي
شكرا لك
تحياتي

:66 (46):صح لسانك يا زير:66 (46):

:8: كلش حلو ذوقك يا أمير :8:

ابو ذيات روعه
وعاشت ايدك على الاختيار
تقبل تحياتي

مشكورين جميعا

مع تحياتي