http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/17.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/17.gif
ღ
سامحني يا موطني "

مجبور يا موطني بالليل أذكرك
ومجبور أتذكر صفاتك يا أبو الخير ...
أنت مو چلمه وتتيه بنص الأشعار
ولا ريحة بخور ويه الهوا أتطير ...
انت عنوان الكرم والجود
وانت الفارس وهمه المكاسير...
بحضنك ربيت ولعبتني وياك
أنواع اللعب صگله وتصاوير ...
ودربونه زغيرة تلم الأطفال
وكت العصر چنهم عصافير ...
وأيام الدراسة وساعات القصاص
چي لنه نسينه نكتب التحضير ...
ومن چنه نشرد ويلگفنه المدير ...
وأخ يا طول الوكت بالدرس الأخير ...
أخ يا صبوره ملحه .... يا مساحه ...
يا نص قالب طباشير ...
ومن يسألنه سائل
شتريد من تكبر تصير ؟ ...
وكبرنه ...
وچن لفنه العمر بجناحه ويطير ...
وگلبنه صفحة من العمر
وبدينه بصفحه بيضة بيها نكتب من جديد ...
ردنه نكتب بيها چلمه ...
ردنه نكتب بيها جمله ..
ردنه نبديها بنشيد ....
موطنــــــــــــــي .... موطني
الجلال والجمال والهناء والبهاء في رباك في رباك
وغيرنه النشيد لان انگلبت الاية
الگاع تلهب نار والوادم جريد ...
موطنــــــــــــــــــــي ..... موطني
الشرار والدمار والعزاء والبكاء في رباك في رباك
وافراحنه انگلبن مئاتم ....
وعريسنه بيوم العرس انزفه شهيد ...
وگلوب ما ضلت بالصدور
چن بالصدر چدمة حديد ...
وتغيرت الوادم
ودربونتنه تصرخ
لا تگدر تلمنه ...
ولا تگدر تفارگنه ....
تاهت بعد ما تدري شتريد ...
تصيح عالضلو اطلعوا ...
وتصرخ على الشارد وك ابعد بعيد ...
وبعدنه .......
وبعدنه يا موطني وبديار الغرب حطينه ...
محتارين نسأل بنبرات العتب
شنهو السبب شنهو الذي سوينه ؟...
مو كافي غربه وسهر
كافي فراگ ملينه ...
ريحني وگلي الذنب كيت وكيت
وفهمني الصواب وگلي احنه اشخطينه ...
وليش يا موطني صار السني منبوذ ؟؟
وگلي بيا سبب ينكتل شيعينه ؟ ...
أدري انه مو ذنبك ولا مني الذنب
ذنب مكسرات الوكت هل ذبهن علينه ...
وسامحني يا موطني لو قصرت فد يوم
تره ما أنكر فظل دجله وفرات البيهن روينه ...
وسامحني يا موطني لو دمعة العيون
لان من دمعت عيوني يتلخص كل حچينه

ღ

http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif http://www.shattalarab.com@ كلمة ممنوعة @@ كلمة ممنوعة @@ كلمة ممنوعة @/images/smilies/smiles/smiles/newsmile/20.gif
:66 (46): :66 (46): :66 (46): :66 (46):
:66 (6): اخوكم غسان العيداني:66 (6):
:66 (46): :66 (46): :66 (46): :66 (46):

وبعدنه يا موطني وبديار الغرب حطينه ...
محتارين نسأل بنبرات العتب
شنهو السبب شنهو الذي سوينه ؟...
مو كافي غربه وسهر
كافي فراگ ملينه ...


الله الله عليك ياغسان

نطقت بأحله الكلمات -- وصوّرت اجمل صورة

الدربونة - والمدرسة - والوطن الجريح

احييك ايها النبض الفياض

فالوطن هــوية وانتماء - وكبرياء

شكرا لك ايها العراقي الأصيل وصح لسانك

الله الله عليك يا غسان العيداني
على هذه القصيد الرائعه
عاشت ايدك وننتظر المزيد
تقبل تحياتي
ودمت لاف خير