في السابع من عرسها جاءت تحث الخطى حاملة معها فرحتها لتتخطى جسر الجادريه ببغداد ملبية دعوة اهلها ليشاركوها فرحتها بعرسها الذي مضى عليه اسبوع . لم تكتمل فرحة هديل عماد الاعلاميه ذات الخمسه والعشرون ربيعا ليمطرها جندي من جنود (التحرير) الامريكي ممزقا احشاءها وقاتل فرحتها بقارعة الطريق ...




مدري ليش ؟
تخنك الفرحه الرصاص
وتضحك حلوك البنادق
وماكو صوت الكال ليش
ويقطع احبال المشانق
وساكته حلوك السياسه
ومدري ليش ؟
وتذبح الفرحه اعله شفتج
مدري ليش ؟
وطاحت زواكة خدودج
عالطريق وحنت خدود الطريق
وياهديل الفرات الجاب مايه واعتناج
يغسل جروحج بديه
والنخل دنك يبوسج
ومن لكه جروحج جثيره
انحنه ظهره عليج
وطاحت دموعه اعله خده
من لكه الحنه باديج
ومزكوا بدله زفافج
وقروا بعيونج قصيده
تكول محروس العراق
ومن دماج اقرينه كلمه
مدري شمكتوب بيهه
ومن قرينه الكينه بيها
كلمه بجتنه احنه كلنه
اني هدوله ضحيه
وفدوه لتراب العراق
فدوه لتراب العراق




تحيات ماجد الشاعر ودعواتكم لهديل بالشفاء
4/1/2008

وياهديل الفرات الجاب مايه واعتناج
يغسل جروحج بديه
والنخل دنك يبوسج
ومن لكه جروحج جثيره
انحنه ظهره عليج
وطاحت دموعه اعله خده
من لكه الحنه باديج

قتل الله فرحتهم انشاءالله
وحسبنا الله ونعم الوكيل
ننتظر قصاص الله العادل
عزيزي ماجد
عاشت ايدك على هذه القصيدة التي صورت لنا
حادثة مؤلمة بقلمك الشفاف
واحساسك وطيبتك
مشكور ياماجد

أسأل الله بحق الحسين المظلوم
ان يشفيها بشفاءه فهو الشافي المعافي
وينتقم لها ولكل عراقي ممن ظلمهم

شكرا لك سيدتي الفاضله ام فيصل وانتي تحملين العراق بعينك وقلبك واحلامك
انا لا اشكرك على المرور بصراحه لكني اقبل حروفك التي تدعو لضحيتنا البريئه بالشفاء

لمن لايعرف من تكن هديل
اعرفها له من زميل
جاءت ذات صباح
تحمل وجعها لي
من شعر نبيل
قالت استودعك سرا
من قلب وبيل
احب العراق
فاضحى خليل
يمتطي هواه
دون ان يسمع الصهيل

تحياتي للشاعر الجميل الذي تعاطف مع زميلتنا في قناة بلادي الفضائية هديل عماد
ولكل النبلاء الذين وقفوا معها ومعنا في الحادث الاليم

اخي الكريم العلاق شكرا على روعة المرور والكلمات الجميله سلمت اخي الحبيب وسعيد بوجودك