زنجيل شعري رائع بحق ابو الفضل العباس /عليه السلام [الأرشيف]

مشاهدة النسخة كاملة : زنجيل شعري رائع بحق ابو الفضل العباس /عليه السلام

هاشم نجم

31-12-2008, 09:48 AM

السلام عليك يا ابو الفضل العباس ورحمة الله وبركاته
-----------------

عباس علم وتقى بالصوم اهو وصه إله
قبل يمنته علي على حسين اهو وصه إله
يا حيف سيف الغدر على المشرعه وصله
جربه على صدر الفحل وتكطعن جفين
وسهام الغدر في جربته والمايهه جفين
يا هو الغسل جثته ويا هو إله جفين
الحسين حافي الجدم على الصوت إهو راح إله
يمشي على حدو الظعن ما راكب أبد راحله
الحسين بعد الكمر ما شاف أبد راحه إله
يا روح بعد الكمر من جثتي ظهري
ليل بجفاك الصبح والظلمه في ظهري
قلت يخي حيلتي وهسه إنكسر ظهري
يحسين كض الجرح حر الجرح سكنه
ودمعك جواني جمر في مهجتي سكنه
صدكني يا بو علي خجلان أنا من سكنه
خايف يخويه أنا في موعدي خليت
لاح السهم جربتي من مايها خليت
بس الله شاهد علي جفين إلك خليت
وبعيني أول سهم والثاني عله كلبي نفذ
والثالث عله جربتي والماي منهه نفذ
أمر الله هذا يخوي واليوم أمره نفذ
وأنا بحكم طاعتك رايك ولا راي إلي
وتدريني بحر الوفه فياض أنا روي إلي
ويزيدني من الشرف خليت الرايه إلي
تون العقيله علي وأنا اسمعت ونهه
ونه بمجاني يخي يم زينبك ونهه
إسكينه لو نشدتك عن جربتي وينهه
متروسه دم جربتي بس الماي شيوصله؟

للشاعر المبدع
حسين اللامي

اسدالعراقي

31-12-2008, 11:00 AM

شكرا اخي العزيز هاشم الورد
على الكلمات المميزة
عاشت الايادي
وتحياتي
http://up.foraten.net/uploads/64d7738e18.gif (http://up.foraten.net)

هاشم نجم

31-12-2008, 11:38 AM

شكرا لمرورك ولردك الطيب
اخوي العزيز الاسد العراقي
لك كل الود والاحترام وتقبل تحياتي

:66 (46)::66 (46)::66 (46)::66 (46)::66 (46):

حيدر القريشي

31-12-2008, 12:07 PM

شكرا اخويه العزيز
على الزنجيل الاكثر من رائع
تقبل مني خالص الود والتقدير
زدمت بحفظ الباري

هاشم نجم

31-12-2008, 01:56 PM

اسعدني تواجدك اخوي العزيز
حيدر القريشي
شكرا لمرورك وردك الرائع
تقبل تحياتي

ابو علي الصكر

31-12-2008, 09:21 PM

بسم الله الرحمن الرحيم

السلام على الحسين 00وعلى علي ابن الحسين00وعلى اولاد الحسين00وعلى اصحاب الحسين..

عظم الله اجوركم واجورنا باستشهاد سيدنا ومولانا ابا الاحرار (ابا الضيم)امامي وامام المؤمنين جميعا...
الهم امنحنا شفاعة الحسين يوم الورود..
السلام عليك يوم ولدت ويوم استشهدت ويوم تبعث حيا00
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\
الغالي هاشم
انالك الله شفاعة ابا عبد الله يوم لا ينفع مالا ولا بنون00
احسنت الاختار وابدعت فلا اضاع لك الله مجهودك...
(يستاهل ابو فاضل )
صكر

هاشم نجم

31-12-2008, 10:39 PM

مشكور حبيبي ابو علي الصكر
للمرور وللدعاء والله يتقبل من الجميع
والله العظيم اكتب بالقصيده وكلما اقرأها لا استطيع
ان اسيطر على دموعي
الله يجعلها في ميزان اعمال الشاعر المبدع
حسين اللامي وميزان اعمالنا واعمالكم وكل من يقرأها
وتنزل من عينه دمعه
عظم الله اجورنا واجوركم
تقبل تحياتي الخالصه

:66 (46)::66 (46)::66 (46)::66 (46)::66 (46)::66 (46):

ام فيصل

31-12-2008, 10:53 PM

الف شكر لهذا الإختيار والزهيري

الأكثر من رائع

احسنت وطيب الله انفاسك وحشرك الله مع ابو الفضل العباس

وتحياتي لك عزيزي -

هاشم نجم

31-12-2008, 11:50 PM

مشكوره اختي ام فيصل لهذه الدعوات
حشرنا واياكم مع ابو الفضل العباس عليه السلام
مشكوره على المرور
وتقبلي تحياتي
:66 (46)::66 (46)::66 (46)::66 (46):