زَعلانْ بَسْ يا زَعَلْ
لمٌن تِرِد للصِدِكً
قبل المنادي أجي ... وشلون جيٌه
أجي
أركض ركض محتركً
يالذتك إبمهجتي . . وين ألكًـه
مثلك هوى
لولاك والله أختنكً
هيٌه شراكة نِفَس لو سكت
كًلبك سكت كًلبي
ويـِدِكَ لــو يـِدِكَ
لوما وكتنه صعُب ماجان أبد
نفتركً
كِلمَنْ مِشه إل حالته
واحد سِكنْ بالغَرٌب .. واحد سِكن
ْ بالشرِكً
*****
كل هالمَسافَه .. البعد !!
وِسوالفَكْ تنسمِع جٌن إحنه
ًحلك إب حلكً
والله عشكًـنا عشكً
يامن إمكًدٌر عَليْ غيرك فصاله صعب
جم دوب أخيٌط و أشكً
حنيت أنه إل شوفتك
واصبرت بس ما صبر قلبي وصرخ !! راح
أطكً
جاباني إلك وإذعنت . . جيتك
بليلة شتا
ظلمه ومطرها رَشكً
وشبعده صار الدرب
خوف ..
و رعيـــد
وثلـــــــج
وجفوف إديـــٌه زركً
إبابك طحت ها كمت
ضَمٌيت إدَيٌـــه إوْ رِدِتْ
عالباب بالروح أدكً
بس كالو إلمَن تدكً
كلمن مشه إلحالته
واحد سكن بالغرب
واحد سكن بالشـــــركً


للشاعر
اسماعيل كاطع

دوما رائع بإختياراتك يهاشم

شكرا لك -- ولشاعرنا المبدع

احسنت ويعطيك العافية على هذا المجهود

تحياتي لك عزيزي - وننتظر جديدك

مشكوره اختي دائما منوره الصفحه
شكرا لمروركي وعظم الله لكي الاجر
بمصاب ابي عبدالله الحسين واهل
بيته عليهم السلام والكوكبه من الصحابه
الكرام الذين بذلوا مهجهم دون الحسين
والدين
وتقبلي تحياتي