قصيده رائعه للشاعر صباح الهلالي ابكتني حبيت انقلها لكم ارجو ان تنال رضاكم

---------------------

بعد ماي الفرات لضيفنا انبديه
والكطان الازرك ما نكر شصه
وكل اسباب جوعي بدون استثناء
كلها تروح فدوه لورقة الحصه
كبل خطار اجاني وصادفت عوز
على اخدودي شمع ذابت الكصه
ولان تنوري طين وغيرته من الكاع
خلص عدنا العجين استنفذت الكرصه
هسه اشبينه ليش وشختلف بالناس؟
اذا يلتفت ضيفك------ ينوكل نصه
اهلنه البيت واحد شو صفو ضدين؟
مله تلوم مله ------وبالكلب غصه
اركض طاح اخوك بظهره حط سجين
لا غيرك يذبحه----- تفوتك الفرصه
سكرانه العداله ---وناس تاكل ناس
زمن صارن اخوات العلوة والنصه
طم هور الجبايش وانسه كردستان
وبكلب الرمادي خنجرك حيل رصه
ولك مو عيب؟واحنه اللي نشيل الراس
اشلون اجفوفنا تكض راسنا تكصه؟
اختلفنا احنه بعلي وبعمر وبعثمان
ولو يدري محمد بينه ابد ما وصه
المحتل انطلعه --حط ايدك اوياي
يا محتل طلع بالهوسه والخبصه؟

كطرة حيا انا-------- والتكصه
يعرفنه النشد عنا ----والتكصه
ولك احنه بجسم واحد والتكصه
بجفك لاتظن كصيت ايديه

فدوة ارجوك تهدأ وتلعن الشيطان
عسى من غيراك ابخته وبحضه
انا اشردت منك غير ننسه الراح
وطرفك على الزعل ابيناتنا تغضه
انفطمنا على البنادق وانت تعرف زين
الشعيرة بلا نفع لو زعلت الفرضه
انا اوياك سيف ---ونذبح الجلاد
واذا عجزت ايدينا بلوزته نعضه
العباس جدنا الما احتاج اجفوف
ضل حتى بسنونه لازم القبضه
جا شنهي عليمن ليش مختلفين؟
انا شنهو القبلته وانت ترفضه؟
يجوز الما اكضه الخلل بالجفين
اليعبر عليه ----اجفوفك اتكضه
انا دجلة الخير المانست عطشان
واخوي انت الفرات ترضه ما ترضه

اختلفنا بأولياء الله-- وضعنه
واحنه الساسنا الدنيا وضعنه
وربك ابد ما نغير--- وضعنه
شرط الا تحط ايدك بديه


-منقول-
للشاعر المبدع
صباح الهلالي

شكرا حبيبي هاشم وعاشت ايدك على الاختيار الرائع
وانت تضع بين ايدينا القصيده الفائزه بمسابقة قناة السومريه
لقصيدة الوحده الوطنيه تقبل مروري وتحياتي

شرفني مرورك اخي الكريم ماجد الشاعر
لك مني كل الود والاحترام
وتقبل تحياتي

:66 (46)::66 (46)::66 (46):

عاشت ايدك ياهاشم

والف شكر لك على هذا الإختيار

وصح لسان الشاعر الكبير الهلالي

قصيدة رائعة جدا وكلماتها اروع

تحياتي لك

شرفني مروركي وردكي الكريم
اختي الفاضله ام فيصل
نكن لكي كل الود والاحترام
تقبلي تحياتي ودمتي بالف خير



:66 (46)::66 (46)::66 (46)::66 (46)::66 (46)::66 (46)::66 (46):