هلو شباب هلو شابات
هلو كلكم
شلونكم شخباركم
اليوم جايبكلم قصيده عن ازمه النفط اتمنى تعجبكم

((شايل البرميل الازرك))


--------------------------------------------------------------------------------

ماخذ البرميل الازرك
سمعت جاي النفط

وروحي من الفرحه طارت
بعد هيهات وتحط

غبشه امشي وكلي واهس
حيوي وجدا نشط

وحلمت بالنفط اوكع
وانخبط وياه خبط !

وحلمت علتنكر اوكف
خمس ساعات انربط !

عدلت شعري وكذلتي
وشايل بجيبي المشط

وكلت كون اوصل هناك
الساعه بالسبعه ضبط

ومن وصلت هناك
ردت انجن وعقلي ينشخط !

اليشوف السره يجفل
واقوه هبطه ينهبط

الزلم كلمن جكاره
بغضب يشهكهه وسخط

والنساوين التصرخ :
يله جا وين النفط ؟!

الناس من حركتهه عركت
والبرد يسمط سمط !

هناك لن كبت العيطه
وصفت بس (( شك شك )) (( ططط )) !!

جنهه جبهه مو محطه
والطلق كله خرط !

انبطح اركض وليوف
يله وك لا تنخمط !

رجعت ضايج اصفن
ريحة احزاني تعط

وامي لاكتني تصيح :
ها ولك وين النفط ؟

كلت هم زين الشمس
تشتعل من دون النفط !!


لاتحرمووني من ردودكم ترى الموضوع محلوووو بلياكم هع هع
وخاصه اكو نفط يعني حتستفادون هع هع
منقووووووووووول
محمد الذرب

هههههههههههههههههه

لاحول ولا قوة الا بالله العلي العظيم

مشكور عزيزي

والله آنه استغرب شلون شايفين كل هذا القهر والضيم وعدكم نفس تضحكون

خو ماخليتوا شي ماشعرتوا بيه - ؟ حته النفط كتبتوله شعر

الله يعينكم ويفرج عنكم بحق محمد وآل محمد

عاشت ايدك خوش شعر مضحك ومبكي

تحياتي لك

شكرا ياأبو جاسم عالقصيدة الحلوة واللي صدك ضحكتني واني كنت حيل ضايجة لأن اليوم ماشفنة الكهرباء ابد والحمد للة,ياأم فيصل واللة لو تدرين اشايلين هموم العراقين!!!!!!!!!!"لاتشوفونة نمشي جهايم ترة الهم بالضلع نايم".

هههههههههههههههه

عاشت ايدك ونصيحة مني عوف النفط لان احنة تركنا من زمان واستعملنة الحطب لان احنة حاليا في العصر الحجري والبيت صار مثل الكهف ميفرق شي لان لا كهرباء ولا ماء ولا نفط ولا بانزين ولا غاز

http://www.alforat.org/images/smilies/forat/66%20(46).gifhttp://www.alforat.org/images/smilies/forat/66%20(46).gifشكرا لك على هذا الموضوع الرائع