http://gallery.7oob.net/data/media/20/31_2.gif

عشكتك عشك بابل وسومـــــــــــر
وانا كلبي من العشك زنجر وسومر
جنت اشرب تتن دنهر وسومــــــــر
وهسة الاسبين غالي عليـــــــــــــــا

http://gallery.7oob.net/data/media/20/31_2.gif
انا الناوي اروحن ولا عـــــــــــــــود
لعزف الربابة يرهملي ولا عــــــــود
ولشخاط البقى بجيبي ولا عــــــــــود
وجيس التتن غالي عليـــــــــــــــــــا
http://gallery.7oob.net/data/media/20/31_2.gif
بعد ما اوصل بعد دارك وطبهـــــــــا
يالناسي دوة جروحي وطبهـــــــــــــا
بدساتير العشك لحلف وطبهــــــــــــا
نارك للعطاشــــــــــة بغير ميــــــــا
http://gallery.7oob.net/data/media/20/31_2.gif

اريد ابجي وذب الدمع بسطول
وعدنا بحور ما تنعبر باسطول
جثير من الزلم يا خوي بس طول
ويصح زغير وافعالة بلية

http://gallery.7oob.net/data/media/20/31_2.gif
وحك نبي طه وعيسى وصالــــح
بس اني مخلص لحبك وصالــــح
تظل تزعل عليا وصالـــــــــــــح
حلاوة العشك من نفرح سويــــــة

http://gallery.7oob.net/data/media/20/31_2.gif
ازرع ورد واحصد شوك وجني
وغرامك بالف لهبة نار وجني
يجاسي الكلب دمعي حرك وجني
ولا نوبة عطف كلبة عليا
http://gallery.7oob.net/data/media/20/31_2.gif
العشك من استراحينا وهدنة
واخذنا من الدمع راحا وهدنة
ياحلو الطول فك ياخه وهدنة
عجزنه من الهوا وناره سريه
http://gallery.7oob.net/data/media/20/31_2.gif

زماني سلب من عيني وسنها
وعلي سيوفا جردها وسنها
انسمر كلبي ابظافيرها وسنها
وعفه كلبي شكثر يحمل اذيه
http://gallery.7oob.net/data/media/20/31_2.gif

اريد ابتعد عن الشوك وخلاص
واشرد من غرام احلام واخلاص
بعد ما ظل وفه ايهل وكت واخلاص
وصفوا اهل العشك كلهم سويه
http://gallery.7oob.net/data/media/20/31_2.gif
حبيبي وين حجيك وين وعداك
ابهجرك شمتيت اعداي وعداك
الدنيا اوياك حلوة اهواي وعداك
مرار وكل لياليها اذيه

http://gallery.7oob.net/data/media/20/31_2.gif

شبابي شد على ارحاله وضعنه
وسالوفة بحلك شامت وضعنه
غطاها الليل اثاري وضعنه
وصفيت ابلا رشد فوك الوطيه

http://gallery.7oob.net/data/media/20/31_2.gif
كلبي بالونين شلون يلام
وجرح الشوك حدر الضلع يلام
الماي التبده اشلون يلام
هويته وما يفيد اللوم بيه

http://gallery.7oob.net/data/media/20/31_2.gif
اسهامك وصلن الجبدي ولاحن
وكلبك ما بجه الحالي ولاحن
ابليالي العيد لا افرح ولاحن
لجلك يالكطعت الوصل بيه
http://gallery.7oob.net/data/media/20/31_2.gif

الدهر مايوم حن كلبه ولانه
تفاركنه ولف واشي ولانه
لانت تصون الحب ولانه
وظلمنه الشوك والعشره سويه
http://gallery.7oob.net/data/media/20/31_2.gif
ابمدرسه العشك لليوم طالب
ومن ربي وصال الترف طالب
ابنجاحك ياكلب لوردت طالب
ولو يوم امتحنك بيه اذيه
http://gallery.7oob.net/data/media/20/31_2.gif

نفسك دوم حاسبها ولمها
تره امن ايديك مسرتها ولمها
فقير الحرص عالدنيا ولمها
وغني اليقنع ابرزقه لبلا شجيه

http://gallery.7oob.net/data/media/20/31_2.gif
العكل يبني حكيم اليوم ونصاح
اترهدن وانعل الشيطان ونصاح
اشما ارشدك وعلم بيك ونصاح
تتوب وتوبتك حده اضحويه
http://gallery.7oob.net/data/media/20/31_2.gif

الدمع نهران من العين ينساب
طريح اولا صفالي الوكت ينساب
اليسب الناس لابد يوم ينساب
ويظل مكروه مابين البريه

http://gallery.7oob.net/data/media/20/31_2.gif
يليل الشوك امري اوياك فضه
وكلبي امن الكدر مايوم فضه
الكلام ابغير وسبب فضه
السكوت امن الذهب بين البريه
http://gallery.7oob.net/data/media/20/31_2.gif
نهران الدمع عالوجن تجري
خساره اولانفع بالطيب تجري
المصايب لو على كل بشر تجري
فلا بطران يوم ايلوم بيه
http://gallery.7oob.net/data/media/20/31_2.gif

لدك وانحب وخلي الشوك ينباح
واصرخ لمن صوتي اعليك ينباح
حشه السامع اشنفع الجاب ينباح
الوفي ميهاب حتى امن المنيه
http://gallery.7oob.net/data/media/20/31_2.gif

انياب الدهر عظني ولاجن
ابهيمه ولاذره عندي ولا جن
رضيت بقسمه الباري ولاجن
اشوفه عد غيري وتشب نيران بيه

http://gallery.7oob.net/data/media/20/31_2.gif
(( وهاي من عندي ))

وطنه يريد نفزع منتضرنه..و ضرب بوش بحذائه منتضرنه.. بوش,,,اشبع قنادر من تضرنة ذليل وهانكـ ابن العراقيـــة

وطنه يريد نفزع منتضرنه..و ضرب بوش بحذائه منتضرنه.. بوش,,,اشبع قنادر من تضرنة ذليل وهانكـ ابن العراقيـــة

احللللللللللللللى وحده هاي
روووعه
تسلمين حبيبتي
تحياتي

شكراا لمرورجــ اختي العزيزة

منورة الموضوع
تحياتي لكِ

اريد ابجي وذب الدمع بسطول
وعدنا بحور ما تنعبر باسطول
جثير من الزلم يا خوي بس طول
ويصح زغير وافعالة بلية

عاشت الأيادي عزيزتي

ابوذيات رائعة فعلا

ارق تحياتي لك

ازرع ورد واحصد شوك وجني
وغرامك بالف لهبة نار وجني
يجاسي الكلب دمعي حرك وجني
ولا نوبة عطف كلبة عليا



يسلمووو خطيرة



تحياتي

أسعدني مروركم جميعا

منورين الموضوع

تحياتي لكم جميعا !