السلام عليكم ورحمه الله وبركاته
هذه من اروع قصائد الشاعر المبدع المتالق
صباح الهلالي
وحيل عجبتني لما تحمله من معاني عميقه
اترككم مع القصيده

بعد ماي الفرات لضيفنا نبدي... و الگطان الازرگ ما نكر شصة
و كل اسباب جوعي بدون استثناء ... كلها تروح فدوة لورقة الحصة
گَبل خطار اجاني و صادفت عوز ... على خدودي شمع ذابت الگصة
و لان تنوري طين و غيرتة من الگاع ... خلص عدنة العجين استنسخ الگرصة
هسة شبينة ليش؟ و شختلف بالناس؟ ... اذا يلتفت ضيفك ينوكل نصة
اهلنا البيت واحد شو صفوا ضدين؟ ... ملة تلوم ملة و بالگلب غصة
اركض طاح اخوك بظهرة حط سجين .. لا غيرك يذبحة تفوتك الفرصة!
سكرانة العدالة و ناس تاكل ناس ... زمن صارت خوات العلوة و النصة
طم هور الچبايش و انفي كردستان ... و بگلب الرمادي خنجرك رصة
ولك مو عيب! و احنة اللي نشيل الراس ... شلون جفوفنا تگض راسنا تگصة؟؟؟
اختلفنا احنة بعلي و بعمر و بعثمان ... و لو يدري محمد بينا ما وصة
المحتل اطلعة حط ايديك وياي ... يا محتل طلع بالهوسة و الخبصة؟
گطرة حيا آنه و انت گصة
يعرفنا النشد عنة و التگصة
و لك احنة بجسم واحد و التگصة
چفك لا تظن گصيت ايدية
فدوة أرجوك تهدة و تلعن الشيطان ... عسا من غيراك ببختة و بحظة
آنة شردت منك غير ننسى الراح؟ ... و طرفك ع الزعل بيناتنا تغضة
انفطمنة على البنادق و انت تعرف زين ... الشُعيرة بلا نفع لو زعلت الفرضة
آنة و ياك سيف و نذبح الجلاد .... و اذا تعجز ايدينة بلوزتة نعضة
العباس جدنا الما احتاج چفوف ... ظل حد السنون اللازم القبضة
چا شنهي عليمن ليش مختلفين؟؟ .... انا شنهو القبلتة و انت الترفضة؟
يجوز الما اگضة الخلل بالچفين ... اليعبر علية چفوفك تگضة
انا غرگان يمك آني اخو عثمان ... اللي بجسر الائمة ما صفن لحظة
شاف الايد وحدة و ناس ضگها الماي ... و على گد الچفوف الطاحت تشظى
أنا دجلة الخير الما نست عطشان ... و اخوي انت الفرات و ترضى ما ترضى
اختلفنا بأولياء الله و ضعنا
و احنا الساس للدنيا وضعنة
و ربك ما نغير ما نغير من وضعنة
شرط الا تحط ايدك بدية

تقبلو تحياتي
ودمتم بحفظ الباري

احسنت وصح لسانك ولسان الشاعر المبدع صباح الهلالي

عزيزي حيدر

اختيار رائع وموفق -- قصيدة رائعة

سلمت يداك على هذا الإختيار والنقل

مشكور ويعطيك العافية

ان شاء الله ما نختلف اخي العزيز حيدر القريشي
تقبل مروري وكل عام وانت بالف خير:66 (46)::66 (46)::66 (46):

من اجمل ما كتب الشاعر المبدع صباح الهلالي

مشكور اخي العزيز على النقل الجميل والرائع

بالتوفيق يالغالي


تقبل مروري

منورين الموضوع بمروركم الرائع
تقبلوا تحياتي
وكل عام وانتم بالف خير

شكرا اخي العزيز ابو كرار المتميز
على القصيدة المميزة لشاعر رائع ومميز

اختلفنا احنة بعلي و بعمر و بعثمان ... و لو يدري محمد بينا ما وصة

وكل عام وانتم بخير
http://up.foraten.net/uploads/582ddba968.gif (http://up.foraten.net)

الله الله تسلم يلغالي حيدر ع القصيدة الرائعة

دومك مبدع حبيب قلبي


تحياتي

اخويه ابو شهد الغالي
اخويه عاشق
مورين الموضوع يمروركم الرائع

وتقبلوا تحياتي