السلام عليكم
الى حبيبي العراق بمناسبة العيد وياربي تشد جرحك وترجع احسن من الاول يا احلى وطن
إلى من أصبح مأوى الصحافه العالميه...
انت اتعثرت

أرد اكتب كلام يبجي الحــروف وارد ارسم جروحك عالدفاتر

يموطن كل حضاره ومنبع الخير وخيرك عالدول ياوطن ظاهر

تفز اعله البواجي وتغفه عالنوح وأشوفك ياوطن كدامي حــاير

تلم ولدك.. تنشف دموع التسيـل تضم الشيب هذا اعله الظفاير

يــالمنك ملا التاريخ الأوراق ويالبسمك حجت كل المنابــر

عراق اسمك حبيبي وتبقى للدوم اعرق وطن بين الدول صاير

ولو ردنا نعد انت أكثر الأوطان بيه اجــــم نبي بترابه زايـر

بيك آدم نزل بيك ارتفع نـــــوح بيك أيوب أكثر بشر صابــر

بيك إلي الشمس ردتله فد يــــوم علي العالي مقامه ودوم عامر

ولو صار الضرب والغير تتنخاك تشد روحك درع فوك السواتر

ترد الراح للينخــــــاك ممنــــون وتنسى جروحك بروحك تخاطر

اشوفك ساكت وطعناتك أتزيد وأنت الجنت بالعشريــــن ثايـر

وسفه الزمن هيج يصير وياك عدوك ويه أخوك أعليك دايــر

وأنت اتعثرت ما طحت يعراق واعذرني من اكولن طحت شاعر

من اتطيح واكف تبقى للــــدوم بيك حسيـــن والعبـــــاس حاضر

حبيبي العراق