المساعد الشخصي الرقمي

مشاهدة النسخة كاملة : إلى من سرقها مني القبر ((صــــور وجــــروح ومـــلح))


عاشق عيونك
04-12-2008, 05:40 PM
وحدي عايش ليل يترجه الگمر
وتنزف جروح الشبابيچ عله مودك
شوگ وعيون ومطر.....
وين رايح؟خشبة التابوت عميه وانت بعيونك صور من ماي روحي
الموت مايقره الصور.......
الموت مايرهم عليك..
الموت من گد اليتامه الراسمين عيونهم بالعيد بيّاعة قهر
الموت لو سامع ضحكتك چانزل ساجد يبوس چفوف اديك
الگبر مايعرف ترافه.....
الگبر لو شايف طعم شبگة زنودك
ماطبگ روحه عليك......
ولاكلت بخدودك سنون التراب...
خدودك الچانت ضوه بوحشة صفنتي شلون طفتهه السنين
وسدت بعينك ضواهه
وفتحت عله جروحي باب.....
وانت تدري
تعودن تلچمهن انت
وبعد مايرضن غريب يمر عليهن
جروحي كلش يستحن
يبچن بسكته
خاف واحد يخطف ويسمع بجيهن.....
البارحه سولفنه بيك
آنه وجروحي وصورك والملح...
چانت اول ذكرى صوره
الصوره سألتني عليك
اتلعثمت بأول حرف من ردت أجاوب
ردت أنسيهه السؤال.......
ودرت ظهر الصوره بس شنهي بظهرهه!!
الصوره مطعونه برمح.....
رمح فرگاك بظهرهه وتنزف الصوره غياب
تكسر الخاطر مثل طفله يتيمه
تريد من عندي جواب
وشرد أگلهه......
فلان بدل ثوبنه بثوب التراب!!!
وصبرتهه....
وسكتت الصوره وبقه ينزف ظهرهه
وچنهه نامت
توهه نامت
شهگ بضلوعي جرح......
أول جرح شايل طبع غيرة فلح
شالوا مساحيهم صرح.....
هيچ انه جرحي مچلب بحلگ الرمح
وعنك سألني.....
تحيرت بيناتهم صوره وجرح......
وأتلعثمت بأول حرف نار وحچي
وظل الملح ياكل بروحي
وذبلت جروحي معاناة وبچي
ليله مو ليله رهيبه
عبريناهه نزيف وذكريات.....
وحشمت حته القصايد
بلكي تفزعلي ولو ومضة حياة.......
ياهي الاقراهه وتفك حزني عليك؟؟!!
اوراقي كلهن گلبّتهن مالگيت
شلون تطلع ضحكه من ورقة وفاة؟؟!!
وراحت وياك القصايد والصور والذكريات
وبقن بيه جروحي وچفوف الملح
وعشت بالگوه بغيابك
عشت ميّت
آنه وجروحي جرح ياكل جرح
آنه وجروحي جرح ياكل جرح


عاشق عيونك
ام فيصل
05-12-2008, 12:19 AM
وحدي عايش ليل يترجه الگمر
وتنزف جروح الشبابيچ عله مودك
شوگ وعيون ومطر.....
وين رايح؟خشبة التابوت عميه وانت بعيونك صور من ماي روحي
الموت مايقره الصور.......


قصيدة جميلة وحزينه
عن الفراق والغياب

عاشت ايدك ياعاشق
وتحياتي لك
حيدر اللامي
05-12-2008, 07:01 AM
عاشت ايدك ياعاشق
وتحياتي لك:8:
عاشق عيونك
05-12-2008, 01:43 PM
شكرا ام فيصل ..مغترب ع المرور الله ليحرمنا من ردودكم يلغالين


تحياتي
نومة
07-12-2008, 09:52 AM
البارحه سولفنه بيك
آنه وجروحي وصورك والملح...
چانت اول ذكرى صوره
الصوره سألتني عليك
اتلعثمت بأول حرف من ردت أجاوب تسلم ايدك الي كتبتهة
عاشق عيونك
09-12-2008, 06:29 AM
شكرا نومة ع المرور


تحياتي
هاشم نجم
10-12-2008, 04:32 AM
تسلم اخي العزيز عى هذه القصيده الرائعه والكلمات الرائعه
تقبل مروري وكل عام وانت بالف خير


:66 (46)::66 (46)::66 (46):
عاشق عيونك
10-12-2008, 10:18 AM
كل عام وانت بالف خير هاشم الغالي شكرا ع المرور منور


تحياتي
الشاعر ماجد الدعمي
10-12-2008, 10:23 PM
تقبل مروري اخي الكريم عاشق عيونك وشكرا للكلمات الرائعه والعزف الجميل على سكون الليل وهدؤءه
عاشق عيونك
11-12-2008, 06:26 AM
شكرا ماجد الغالي شكرا ع المرور



تحياتي
همس الغروب
11-12-2008, 06:29 AM
قصيده جميلة جدآ عن الفراق
تـــــسلم الايادي
تحـــــياتي
اسدالعراقي
11-12-2008, 07:13 AM
شكرا اخي العزيز منير المتميز
على الكلمات الرائعةو المميزة
عاشت الايادي ياورد
وكل عام وانتم بخير
http://up.foraten.net/uploads/582ddba968.gif (http://up.foraten.net)
عاشق عيونك
11-12-2008, 10:20 AM
شكرا احزان ع المرور




تحياتي
عاشق عيونك
11-12-2008, 10:21 AM
منور اسد شكرا ع المرور



تحياتي