المساعد الشخصي الرقمي

مشاهدة النسخة كاملة : رهمتك علي



عاشق عيونك
01-12-2008, 02:16 PM
:66 (46):
رتك علي بس مارهمت وياي
انته الما ردت شتريد اسويلك
عاشرتك نجم من جان عمرك ليل
أذوب وأشتعل حته ابقه أضويلك
ومن طلعت شمس خط رجعه ماخليت
ماجازيتني لمن خلص ليلك
بانيلك جنت حضرة عشك بالروح
ومرقد للمحنه بروحي بانيلك
ردت منك امراد وخذت مني امراد
وعلك بجفوفي شايلهن زناجيلك
وانذرلك جنت وافتر واحني الباب
هسه اتهدمت ياباب احنيلك
امانه اسرار عمري وبيها ما اوصيك
يم شباج ذنبك صاحن ادخيلك
وبكيفك بعد صون الامانه اتخون
ما أكدر بعد أغفر واعديلك
مابينك وبينك عشت هاي وهاي
مره ابجي اعله طبعك مره اغنيلك
بدلالك جن طفل بالجرح مال اكبار
اشد الجرح بيد وبيد الوليلك
لاتنصف عدل لاترضه بالمقسوم
تاخذ حصتك ومن حصتي اخليلك
انته الوزعت والفرح سهمك صار
من سهم الحزن يافرحه اوديلك
جبتها وياك شعره وعاقل ومجنون
كلساعه وتجرها وانه ارخيلك
شلي بهلتعب والعمر وشلة كاس
من كاس العمر جم دوب ابديلك
راح اصبر بدونك وارهم بلياك
وأذبح رمش عيني الجان يبجيلك
واتحمل عذابك والبعد والشوك
وما حط صورتك كدامي واشكيلك
ما اكلك نسيتك بس جرح بالروح
يكسر واهسي ومايقبل امشيلك
عيني الشالتك كلتلها اشيلج راح
كالت شيلني وما قبلت تشيلك
وجرحي الفاك صدره وما يريد اخياط
واكف جنه واحد جاي يدعيلك
بس مجبور ادفنك ياعشك ياشوك
واقره الفاتحه وبالوحشه اصليلك
بعيوني الحزن يقرونه اليواسون
والفوك الحزن لوتدري شاحجيلك
شمات الاجو واسوني ثالث يوم
حيل وياك كالو مدري شد حيلك
وكالو مو حلو الثوب الطويل اعليك
واليكصر بعد لتظن يكفيلك

للشاعر foraten.net/?foraten.net/?foraten.net/?foraten.net/? الذهبي

ام فيصل
02-12-2008, 12:13 AM
وجرحي الفاك صدره وما يريد اخياط
واكف جنه واحد جاي يدعيلك
بس مجبور ادفنك ياعشك ياشوك
واقره الفاتحه وبالوحشه اصليلك

الله عليك ياعاشق وعلى هالإحساس الرائع

عاشت ايدك عزيزي

كلماتك حزن - وشوق - وكبرياء - وعتاب

قصيدة رائعة عن الوفاء الضايع في هذه الأيام


سلم لنا قلمك عزيزي

عاشق عيونك
02-12-2008, 02:28 AM
منورة ام فيصل شكرا جزيلا ع المرور والكلام الطيب يلغالية



تحياتي

رنا العراقية
02-12-2008, 08:21 AM
والله اريد اسوي كبي بيست الكل القصيدة على جمالهة

مشكور بس اريد اعرف منو الشاعر الي كتبهة


تحياتي رناااااااااااااااااااااااااااااا

عاشق عيونك
02-12-2008, 11:01 AM
منورة رنااااااااااااااااااا شكرا ع المرور الشاعر ضياء العقابي

تحياتي