تعال وياي خل نحسبه خاف اتيهه ولو تاهت لجن نلزم تواليهه
تيهت العدد من ذبحنه اهواي واعرف اسمائكم بس هسه ناسيهه
عمي انته اشعجب تذبحني رايد ليش موعيب من اسولف والله واحجيهه
راحو ابريائك وابريائي اشلون لامو معركه وحاير شسميهه
وغيطنه الجثث والاثر ماموجود اذا طلعت الريحه اشلون اغطيه
وبعد شكتب غزل مو كلي صرت احزان وجذب جلمه فرح مرت على لساني
كل زفه عرس يخطفه الف تابوت ناس اعله الهويه وناس بفغاني
واجيت انخه العرب زيحو الارهابين مو خلونه واحد ياكل الثاني
اني اول حضاره تخلد التاريخ لذا غصبن على التاريخ يقراني
ابن سومر واكد اني وابن اشور وابن بابل واخبرك هاي عنواني
شضل طول العمر اكتب رثائيات وحزن الكون مرني وماتعداني
لجن طبعي عراقي بدمي احني الموت وانعاهه المنيه وعيب تنعاني
من جرح الجرح من موت خلص موت اشكثر بجيت دمعي ودمعي بجاني
واذا من غير ديره تهون اليعاديك لجن صعبه عدوي يصير جيراني

يدنيا من الحزن مليه والجاه
انحنه ظهري وفزعله الجرح وجاه
صعب تصبح عداوه العجل والجاه
وتفرقنه الفتن والطائفيه

تحياتي للجميع

اني اول حضاره تخلد التاريخ لذا غصبن على التاريخ يقراني
ابن سومر واكد اني وابن اشور وابن بابل واخبرك هاي عنواني
شضل طول العمر اكتب رثائيات وحزن الكون مرني وماتعداني
لجن طبعي عراقي بدمي احني الموت وانعاهه المنيه وعيب تنعاني



عاشت ايدك وصح السانك اخويه العزيز المحاويلي

تحياتي الك وحسك الوطني الرائع.........

لك احترامي وتقديري

ابن سومر واكد اني وابن اشور وابن بابل واخبرك هاي عنواني
شضل طول العمر اكتب رثائيات وحزن الكون مرني وماتعداني
لجن طبعي عراقي بدمي احني الموت وانعاهه المنيه وعيب تنعاني


الله عليك ياعامر يبن الحلة البطل

احسنت وصح لسانك عزيزي

قصيدة اكثر من رائعة -- جسدت كل احزان العراق

وصعبة اعله العراق يتكاتل اولاده

الف شكر لهذه الروح العالية وهذا الشموخ العراقي

والف شكر لإحساسك يابطل


تحياتي لك

اشكركم عى المرور تحياتي الكم