قطارالشوك مربينا وفاتك
شجاك او وين وجدانك وفاتك
انه بكلبي بعد حلت وفاتك
ودفنتك للزمن بثنين اديه





حالك ماصفه لحالي ولادام
هضيمه طلعت لا ملحه ولادام
لاهسه بعد اقبل ولا دام
حزرتك بعد ماتلعب عليه





زماني بنار بعدك ورثاني
بس دمع وبواجي ورثاني
تعرف من ذكرني ورثاني
اشتعلوا بالحزن جي حجوا بيه





الزمن بعدك نكث حيلي وذني
وسهامك فجرن الدمعه وذني
ذني جروح دلالي وذني
جروح العمر يلي كطعت بيه

الزمن بعدك نكث حيلي وذني
وسهامك فجرن الدمعه وذني
ذني جروح دلالي وذني
جروح العمر يلي كطعت بيه


الله روعه روعه عاشت ايدك اخويه الغالي

تقبلي تحياتي وتقديري ...

حبيب قلبي ابو جاسم منور شكرا ع المرور


تحياتي