:2:دوار احبك يابو شامه وجه دوار
وكلبي من الزغر أ عليك دوار
لاعوف اهلي وشتغل دوار
وضل مكابلك صبح ومسيه

التم التم ولو عودان واكف وحيك
يل بلعمر ضحيت متكلي بيش اجازيك

ماندري اشكضه من الليل وشتم
وعلى خدك لحوش الورد وشتم
ارخصك سبني ابزعل وشتم
ترى شما تشتم ثواب الوالديه:66::66::66::66::66::66::66::66::66::66::6 6:

هههههههههه
مشكور اخويه العزيز مشاركة روعة
عاشا يدك تقبل تحياتي وودي

مشاركة جميلة اخي العزيز

ننتظر المزيد منك

تحياتي لك

يسلم إيدك على هل أبوذيات
أنتظر منك المزيد
تقبلها مني:66 (46):

حلوات حبي
بس لو وياهن شكم واحد بعد جان صارن احلى (احلى لو زنبور )
خخخخخخ تحياتي

أبوذيات جميله
تسلم الأيادي

شكرا على اهتمامكم وخصوصا ام فيصل ومحمد السوداني

اهدي هذه الابوذيات لكم ياغالين

مضيف الروح الك والدله كلبنه
وبتوت الكلب فناجين الكم كلبنه
أجه طارش سألته منو كلي ابنه
أذا زعلان أجيك ازحوف اعله ادي
الكاتب محمد السوادني



الك وحشه بحياتي وانت بيها
حرام اغمض العين وانت بيها
الدنيا بغير شخصل شلي بيها
الكمر انت ويشع نورك عليه



الهجر يكتل يصاحب وانت داري
عليك يخاف كلبي وانت داري
انت اهلي وعمامي وانت داري
انت امي وابوي واخ اليه
§§§§§§§§§§§§§§§§§§§§§§§§§§
حسين النشأ وي طه وتربه
عين المحب شبحتله وتربه
اله كبه مذهبه او مرقد وتربه
بيهه الشفه من رب البريه
§§§§§§§§§§§§§§§§§§§§§§§§§
رمح جاري وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه
§§§§§§§§§§§§§§§§§§§§§§§§§
يهل روحك على الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه
§§§§§§§§§§§§§§§§§§§§§§§§§
جروحي الماتدنك باركتلك
ونهر خمرة عيوني باركتلك
ابخبر طعنة دليلي باركتلك
كبل لا شامت يهنيك بيه
§§§§§§§§§§§§§§§§§§§§§§§§§
أبد بغداد ما سقطت هوانه
ودمنه السحب نازفته هوانه
انه مو انه العراقي هو انه
الشلت مكوار والفاله عشيه
§§§§§§§§§§§§§§§§§§§§§§§§
فشك بارود وكتي ثار منك
واريد ابحيل اخذ ثار منك
مصايب وكتي كله ثار منك
تحشم بال الوكت وانته عليه
§§§§§§§§§§§§§§§§§§§§§§§§§
شما اكتب يظل اسمك على املاي
وقضيه انت اصبحت ليه وعلم لاي
منارة انت بوسط كلبي وعلم لاي
تظل عالي وترفرف بس عليه
§§§§§§§§§§§§§§§§§§§§§§



مجموعة ابوذيات



ضعنه وما لگينة مرعه لينه
ويطعم الزاد بعدك مر علينه
ولو بالطيف مرة مر علينه
واسولفلك زماني شسوة بيه


عطش گلبي بمحبتك ماي يتاني
وبعد ماظن ينطرك ما يتاني
تعال وشوف حالي مايتاني
بس الروح گوّه مچلبة بيه


دمعي اعليك فايض وين اكته
وتطيح دموم منه وي نكته
اناشد دوم واسأل وينك اته
تعال الفاتحة اقراهه عليه

ألگلب چم مرة فر منك وعدلك
وذنوب هواي أسجلك واعد لك
لجر ذانك واصلحنك وأعدلك
واجيبنك زحف وتبوس أدية

صرنة نجوم لكن ما لمعنه
وألف يا وسفه بختـك مالَ معنه
زعلك صار ماصخ ماله معنه
أراضيك وترد تزعل عليه




وحك صفين والخندق وحطين
املش الراس بفراكك وحط طين
اطير من الفرح صدك وحطين
اذا بحلام ليلي اتمر عليه

ابدلاضاج منه الكلب لاشاك
وانه ادري يحبني كلش زين لاشاك
من يحبك تكول الناس لاشاك
ونه يحبني وثكل بايع عليه



_ حرف الالف
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه

وهو ماخوذ من البيت الشعري الذي يقول
صبحته عند الساء فقال لي ..............هل انت تهزأ ام تقول مزاحا
فأجبته اشراق وجهك غرني.............حتى تخيلت المساء صبـــاحا

2_الباء
بره المسكوم من علته ....وناداي
وحركت اليابس بهجرك...وناداي
براس اربع طرق لكعد....وناداي
انه المظلوم وانت بدعت بيه
وهو ماخوذ من هذا البيت
لاقعدن على الطريق واشتكي...........واقول مظلوما وانت ظلمتني

3_التاء
تظن يبره الجرح عكبك.....ويلتم
جفيت وبالحشى منـــك.....ويل تم
الثريا الها شمل سبعه......ويلتم
وانه واحد حبيبي وشح عليه
وهو ماخوذ من هذا البيت
خليلي اني للثريا لحاسد.............واني على ريب الزمان لواجد
ايجمع منها شملها وهي سبعة.......ويبعد من احببته وهو واحـــد

4_الثاء
ثدي الحب يبس ما در ......والك دار
ومحبتك زالت همومي......والك دار
الك عرش انتصب يا اسمر..والك دار
بكلبي ولا لغيرك سكن هيه
وهو ماخوذ من التخميس الاتي
ما لنا عنك سلوة واصطبار............ولمعناك في القلوب قرار
وسواء منك الجفا والمزار.............اينما كنت فالحشا لك دار
ليس فيها لغير شخصك سكنى
5_الجيم
جره دمعي على الوجنات.......ما دام
على ريم اليدير اقداح..........ما دام
حرام الزنا بالقران............ما دام
من التقبيل لا تبخل عليه
وهو ماخوذ من هذا البيت الشعري
لقد حرم الله الزنا في كتابه.......وما حرم التقبيل بالخد والفم

6_الحاء
حكم سيفك الغـــــدار.......حكمه
ابكلبي وما بقت للصبر....حكمه
كل اللي توله جار .......حكمه
انه عاشك وحكمك جار بيه
وهوماخوذ من هذا البيت الشعري
ها انا اهواك على ما ارى............من قلة الود وبعد المزار
كم جرت بالحكم على عاشق..........اكل قد من ولي الحكم جار

7_الخاء
خالص يا ترف بس الك .....ودنه
لون تسكن بيابي العين ......ودنه
لو بات الترف بحشاي ......ودنه
اكله اكرب يحلو الطول ليه
وهو ماخوذ من هذا البت الشعري
لو بات من اهواه وسط حشاشتي.........لقلت ادنو مني ايها المتباعد

8_الدال
دليلي ابنار هجرك طاح .....وهواي
لشك ثوبي وادك واصيح....وهواي
اذا تنكر هيامي عليـــــك ...وهواي
ادموعي اعلى الخدود اشهود هيه
وهو ماخوذ من البيت الشعري التالي
اذا تكن منكرا هواي ووجدي.......فدموعي على الخدود شهود

9_الذال
ذلولي عليك ناحل ......ما بغيره
وسليم الذات اوده ......ما بغيره
صديـجك لو لكيته ......ما بغيره
بجف ارماد بيعه لو تهيه
وهو ماخوذ من هذا البيت الشعري
اذا لم تجد عند الصديق مروءه........ولا غيرة بعه بكف رماد

10_الراء
روحي بيش اسليها .....كتلها
عليك اني ودمع عيني...كتلها
شبه العيش بالبيده.......كتلها
الظمه ودومن اتحمل الماي هيه
وهو ماخوذ من البيت الشعري الاتي
واشد ما لا قيت من الم الهوى.........قرب الحبيب وما اليه وصول
كالعيش في البيداء يقتلها الضما ......والماء فوق ظهورها محمول

11_الزاي
زماني ما نطه لروحي .....نفاها
ظلمهه وعن مواطنهه .....نفاها
السفاهه اهل المثل كالو....نفاها
انا اشما سفهت ناري سريه
وهو ماخوذ من المثل الذي يقول
الســــــفـــاها......نــــــــفاها

12_السين
سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه
وهو ماخوذ من هذا البيت الشعري
فلما برزنــــــــا لتوديعهم............بكو لؤلؤا وبكينا عقيقا
فساروا فاتبعتهم ادمعي..............فصاحو الغريق وصحنا الحريقا

13_الشين
شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه
وهو ماخوذ من هذا البيت الشعري
ان كنت تابى ان تراني عاشقا ........فارجع الي فؤادي المغصوبا

14_الصاد
صومي لليكول اهواك.......شفته
صبحت وارشفت من الترف..شفته
يكلي افطرت كتله البدر.....شفته
بجبينك حرم كل صومي عليه
وهو مقتبس من هذا البيت الشعري
قبلته عند الصباح فقال لي..........افطرت يا هذا ونحن صيام
فاجبته انت الهلال وعندنا..........الصوم في رؤيا الهلال حرام

15_الضاد
ضكت حلوك حبيبي وضكت......ما راك
وانه بغي التجافي الحيــــــل.....ما راك
يضيج الصدر يوم البيـــــــه.....ما راك
وينطيني عذولي الحك بديه
وهو مقتبس من التخميس التالي
الى كم ذا الصدود اطلت هجري..........رويدا فالهوى العذري عذري
متى يوما اراك يهون امري..............ويوما لا اراك يضيق صدري
وتعذرني العواذل في شجوني
16_الطاء
طريدك لا تطن ياوي......لجنه
انذهل وانياب هجرانك ....لجنه
شمس شبهك انصفها.......لجنه
الك ما انصفك بين البريه
وهو مقتبس من هذا البيت الشعري
شبــــــهك الشــــمس ولكنه.............قد انصف الشمس وما انصفك

17_الظاء
ظجر كلبياو دمع العين.......هماي
وراهم يا اجدامي ابشوك....هماي
حجب عن عيني طيب النوم..هماي
اشلون اصفي لزماني الخان بيه
وهو مقتبس من بيت الشعر التالي
قلقـــا تقلبني الهموم بمرقدي...........هل كيف اصفي للزمان واصفح

18_العين
عند البد وفه الانصاب .......كله
علن حربه وعلي ثار........كله
حاجه اتصير عند الجلب....كله
يحجي جليب دير النظر ليه
وهو ماخوذ من المثل الشعبي المشهور
لو صارت حاجتك عند الجلب سميه حجي جليب

19_الغين
غيرك لا تظن بالعين ......حالي
اوريجي عليك مر ما يوم...حالي
بغرامي يالتسل عن شرح ...حالي
اعله كل حال الهوه جتال اليه
وهو مقتبس من هذا البيت الشعري
ان تسل في الغرام عن شرح حالي.............فالهوى قاتلي على كل حال

20_الفاء
فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه
وهو ماخوذ من هذا البيت الشعري
فقدت ضعونا في دجا اللبل حملوا...........وراحو ولم اعرف لهن مقاما
فلا القلب يسلاهم ولا النار تنطفي...........ولا العين تهوى بالبعاد مناما

21_القاف
قيد الاسر بالرجلين....... صكه
عدونه والهنا بالكاس.....صكه
انهضوا للعلا واكتبوا ....صكه
اوقع بيه تراني اعله المنبه
وهو ماخوذ من هذا البيت الشعري
الا فاكتبوا صك النهوض الى العلا........فاني على موتي به لموقع

22_الكاف
كثروني وزاد الكلب .........لو بات
ومدري انكطع حبل الوصل..لو بات
الكمر ولفي وعندي اليوم ....لو بات
مجنت ارعه الكمر لو زاد ضيه
وهو مقتبس من البيت الشعري التالي
يا ليل طل او لم تطل................لا بد لي ان اسهرك
لو بات عندي قمري .................ما بت ارعى قمرك

23_اللام
لااسمع لا ارى لحجي .......ولاشام
ابشوك الما حوى نجد .........ولا شام
اله سوره ابصحن خده........ولا شام
سوده وبالسويد اثر سجيه

24الميم
مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه
وهو ماخوذ من البيت الشعري الاتي
ان الافاعي وان لانت ملامسها...........عند التقلب في انيابها العطب

25_النون
نهاني الينم عنك............ وابد منهه
وودك مثل روحي .........وابد منهه
السمه كابلت وجهك........وابد منهه
البدر من ضي سناك انعكس ضيه
وهو مقتبس من البيت الشعري التالي
قابلت وجهك السماء فابدت...............صورة البدر من سناك انعكاسا

26_الهاء
هله بالي بوداده انكشف .......ستراي
وحوبه الجان الي وياك........ستراي
اجانه بالظلام ايريد............ستراي
انفضحنه ابنور خده اليشع ضيه
وهو ماخوذ من هذا البيت الشعري
اتانا في الظلام يريد سترا..............فانفضحنا بنوره في الظلام

27_الواو
ولك شوك الدليلي......وانت شاكي
الذنب منك عليـــه......وانت شاكي
بليه اسلاح اشوفك.....وانت شاكي
لجن بعيونك سلاح المنيه
وهو مقتبس من البيت الشعري التالي
هزوا معاطفهم وهن رماحم.............ونضوا لواحظهم وهن صفاح
شاكين ما حملوا السلاح وانهم..........منهم عليهم اهبــــــــة وسلاح

28_الياء
يحادي الظعن بالله عليك......اني
لما يسمع شريج الروح.......اني
لريد اصبر واعلم الصبر.....اني
امر من الصبر فركاك اليه
وهو مقتبس من هذا البت الشعري
ساصبر حتى يعلم الصبر انني........صبرت على شييء امر من الصبر

مشكور اخويه العزيز تقبل تحياتي وهاي مني الك

الصديق الي نشوفه نقي ونظيف
نود كل يوم نبدي اعليه ونضيف
على طبيه نجمل طيب ونضيف
بكثر معنى الحروف الابجديه ( منقول )

تقبل تحياتي وشكري الجزيل منور