السلام عليكم

تنساني جذب ماصدّك اني بهاي
لان طبعك وفي وما يوم تنساني
وتلكاني جنح لو يوم الي احتاجيت
بس باوع الروحك بيك تلكاني
الساني السان شاعر موش ياهو الجان
للساني تشوف ايصفّك الساني
وبس ليك القوافي اتسطّرت الماز
والغيرك تضوج وتختل اوزاني
نيشانك اشوفه انجوم يمي اتدور
ومن تحتاج اني الكمر نيشاني
يا دم الكلب تدريه لما اتروح
جلد حيه يصير عليك شرياني
وبستاني بغيابك حنظل وعاكول
ويتحول ورد من تطب بستاني
حط ايدك بأيدي حان وكت الشوك
اذا كلبك يحبني احجيهه شمتاني
اردانك من نقص من لحم زندي انطيت
تستاهل كلت ماجملك ارداني
كل ضنّك اعوفك مستحيل اتصير
هم شايف بياض بوجه سوداني
كلما ارد ااذن للعشك الكاك
واكف يمي تسمع صوت اذاني
ومن تبدي وتكبّر يوج بيك الشوك
اصيرنلك حمد وبشوك تقراني
ابني ومن افكر اهدم البنيان
تجي غفله وتكمّل ساس بنياني
احجيهه بصراحه الخاطري اترجاك
من كد الشعر مو ملني شيطاني
صدّك لو كلتهه الكلب يركض ليك
وتذب الباب تركض ليك حيطاني
وعنوانك اكتبه بجفّي حرف الكاف
وألف وحاء باء ايصير عنواني

مشكور حبيبي الغالي
على هذه الكلمات
تقبل مروري
العراقي الاصيل
ونتضر جديدك يا ورده

وبس ليك القوافي اتسطّرت الماز
والغيرك تضوج وتختل اوزاني


شنو هالغزل ياعاشق

قصيدة احله من الثانية

ماخليت جلمة تعتب علينه


رائع -- ياصاحب المداد المتالق

يا اصيل ابن الاصيل منور عيوني شكرا ع المرور




تحياتي

ههههههههههههههههههههه
شكرا ع المرور يلغالية والله انتي الرائعة بردودك يلغاليةبس انتي كلتي مجرم هههههههههههههههههه مجرم بلحب هههههههههه
شكرا الك مرة ثانية



تحياتي

يا دم الكلب تدريه لمل اتروح
جلد حيه ايصير عليك شرياني
وبستاني بغيابك حنظل وعاكول
ويتحول ورد من تطب بستاني


الله الله على هذه على هذه القصيده الرائعه والكلمات الجميله المعبره
لك كل الود والاحترام وتقبل تحياتي

الرائع انته يا ورد تسلم على المرور يا وردة


تحياتي يا طيب