كلهم فدوه لعيونك يروحون
لأن مابيهم اليرهم عليه
....
...أجت عينك بعيني وصار زلزال
جا لو حاظنك شيصير بيه؟
...
أحنه بروح وحده اثنينه نعيش
إذا جفنك غفه نغمض سويه
....

وإذا جتنه المنيه أثنينه نروح
لأن أحنه سوه تحله المنيه
..

أقدم روحي الك ورده وشمعتين
وأتيهك بالورد والگاك بيه
....

أگلك ميت انه شلون أحاچيك؟
تگلي شلونك.....شخليت بيه؟
...
تسألني ورد روحي ذبل ليش!
لأن وردات خدك مزهرية
.

شفتك وأنخطف لوني عله ممشاك
ونسيت أسمي وعلي وتاهت عليه
..
كوه تصير الي لتكلي متصير
أكفلك العباس انته تصير الييه
..
هديه ومو مهم منين جابوك
بس أنهجم بيتك من هديه
بس أنهجم بيتك من هديه
:66 (6)::66 (6)::66 (6)::66 (6)::66 (6)::66 (6)::66 (6)::66 (6)::66 (6):

للشاعر ميثاق الهلالي

أحنه بروح وحده اثنينه نعيش
إذا جفنك غفه نغمض سويه


ياعيني عليك ايها العاشق ---- ياعاشق

قصيدة رائعة -- وكلماتها اروع

غزل -- وعشق -- وحب مجنون

سلمت يداك على ماخطت

تحيــــــــــــــــاتي لك

شكرا ام فيصل ع الرد الرائع دومك منورة الصفحة
ربي لايحرمني من ردك الطيب يا طيبة


تحياتي